سندھ میں 24 اور 25 اگست کو تعلیمی اداروں میں تعطیل کا اعلان

تفصیلات کے مطابق محکمہ تعلیم سندھ نے 24 اور 25 اگست کو تعلیمی اداروں میں تعطیل کا اعلان کرتے ہوئے کہا ہے کہ تعلیمی اداروں میں تعطیل بارشوں کے پیش نظر کی گئی ہیں، فیصلے کا اطلاق تمام نجی و سرکاری اسکول و کالجز پر ہوگا۔

واضح رہے کہ چیف میٹرولوجسٹ سردار سرفراز کے مطابق وسطی بھارت میں موجود مون سون سسٹم سندھ پر بھی اثر انداز ہو سکتا ہے جس کے نتیجے میں 24 اور 25 اگست کو کراچی میں بادل برس سکتے ہیں۔

ان کا مزید کہنا تھا کہ کراچی میں 24 سے 25 اگست کی شام تک بارش کا امکان رہے گا جبکہ بلوچستان کے شمال مشرقی اور جنوبی اضلاع میں بھی بارشیں ہو سکتی ہیں۔