اسد عمر کے خلاف ایک اور ایف آئی آر درج

اس حوالے سے رہنما تحریک انصاف اسد عمر نے سماجی رابطے کی ویب سائیٹ ٹوئیٹر پر جاری پیغام میں کہا کہ میرے اوپر ایک اور ایف آئی آر کاٹ دی گئی ہے۔

انہوں نے بتایا کہ میرے اوپر دوسری ایف آئی آر ایف 9 ریلی کے سلسلے میں کاٹی گئی ہے جبکہ اس دن میں لاہور تھا اور داتا دربار کے باہر سے میری تقریر ٹیلی ویژن پر نشر بھی ہوئی تھی۔

خیال رہے کہ اس سے قبل وفاقی دارالحکومت اسلام آباد میں سابق وزیر اعظم عمران خان اور عوامی مسلم لیگ کے سربراہ شیخ رشید احمد سمیت تحریک انصاف کے 19 رہنماؤں کے خلاف مقدمہ درج کیا گیا تھا۔