نواز شریف کی واپسی انتخابات سے پہلے ہوگی:راناثنااللہ

وفاقی وزیر داخلہ رانا ثناء اللہ نے اپنے ایک بیان میں کہا ہے کہ عمران خان کے خلاف مقدمہ کو حکومتی اتحاد نے بھی سراہا ہے، عمران خان کے بیان کو ججز نے سنا اور فیصلہ کیا یہ توہین عدالت کے زمرے میں آتا ہے، توہین عدالت کیس میں عمران خان کے بچنے کا کوئی چانس نہیں ہے۔

انہوں نے کہا کہ توہین عدالت کیس میں نہال ہاشمی نے معافی مانگی تھی، نہال ہاشمی نے معافی مانگنے سے پہلے کہا تھا ہمارا مقصد عدالت کی توہین کرنا نہیں تھا لیکن نہال ہاشمی کے اس مؤقف کو تسلیم نہیں کیا گیا تھا،عمران خان کا بیان خاتون جج کو کام سے روکنے کے مترادف ہے۔

وزیر داخلہ نے کہا کہ عمران خان کے الفاظ بڑے واضح ہیں، عمران خان نے خاتون جج کا نام بھی پورا نہیں لیا، میرے لیے عمران خان ایک فتنہ ہے جو قوم کو تقسیم کر رہا ہے، یہ فتنہ دہشتگری سے بھی زیادہ خطرناک ہے۔