کیہال پل کو خطرہ، اسلام آباد اور گلگت کا زمینی رابطہ منقطع ہونے کا امکان

میڈیا ذرائع کے مطابق تحصیل پٹن اور داسو کے درمیان پل کےدونوں پلرزکی بنیادیں کھوکھلی ہو چکی ہیں، اگر یہ پل ٹوٹ جاتا ہے ہے تو اسلام آباد اور گلگت کا زمینی رابطہ منقطع ہو جائے گا۔

اس متعلق اسسٹنٹ کمشنر کوہستان کا کہنا ہے کہ پل کی جلد مرمت کے لیے نیشنل ہائی وے اتھارٹی کو خط لکھ رہے ہیں تاکہ کسی بھی ہنگامی صورت حال سے بچا جا سکے۔

ادھر موٹروے ایم ون پر برہان تا پشاور،  قومی شاہراہ پر ازاخیل اور نوشہرہ کے درمیان، بلوچستان میں قلات سے پشین یارو،  سندھ میں کنڈیارو، مورو، سکرنڈ اور  مٹیاری کے قریب اور نیشنل ہائی وے پر حب سے بیلہ تک سیلاب کا خدشہ ہے۔