ویرات کوہلی نےحارث راؤف کو اپنی شرٹ تحفے میں دے دی

بھارتی کرکٹ کے مایہ ناز بیٹر اور سابق کپتان ویرات کوہلی نے دبئی میں پاکستان کے خلاف ہائی وولٹیج میچ کے بعد اپنی دستخط شدہ شرٹ فاسٹ بولر حارث رؤف کو دی۔

بھارتی کرکٹ بورڈ (بی سی سی آئی) نے سماجی رابطے کی ویب سائٹ پر ویرات کوہلی اور حارث رؤف کے درمیان پیش آئے اس لمحے کی ویڈیو شیئر کی۔

The match may be over but moments like these shine bright ✨?

A heartwarming gesture by @imVkohli as he hands over a signed jersey to Pakistan's Haris Rauf post the #INDvPAK game ??#TeamIndia | #AsiaCup2022 pic.twitter.com/3qqejMKHjG

— BCCI (@BCCI) August 29, 2022

بی سی سی آئی نے ویڈیو اس کیپشن کے ساتھ شیئر کی کہ میچ ختم ہوسکتا ہے لیکن اس طرح کے لمحات چمکتے رہتے ہیں، ویرات کوہلی نے دل کو گرما دیا، انہوں نے پاکستان سے میچ کے بعد حارث رؤف کو اپنی دستخط شدہ جرسی دی۔

متحدہ عرب امارات (یو اے ای) میں جاری ایشیا کپ کے دوران پاکستان اور بھارت کے کرکٹرز کی ملاقاتوں اور خوش گپیوں کا سلسلہ جاری ہے۔

ویرات کوہلی اور دیگر بھارتی کھلاڑیوں نے آئی سی سی اکیڈمی گراؤنڈ میں پاکستان کے انجرڈ فاسٹ بولر شاہین شاہ آفریدی کی خیریت دریافت کی تھی۔

بھارتی کپتان روہیت شرما اور بابر اعظم کے درمیان بھی خوش گپیاں ہوئیں جبکہ ویرات کوہلی نے بھی پاکستانی کپتان سے ملاقات کی۔