معروف بھارتی اداکارہ کرن کھیر بلڈ کینسر میں مبتلا ہوگئیں

68سالہ کرن کھیر اداکاری کے ساتھ  سیاست میں بھی آگے  ہیں اور بھارت کی حکمران جماعت بھارتیہ جنتا پارٹی کی چندی گڑھ  رکن پارلیمنٹ ہیں۔اداکار انوپم کھیر نے سماجی رابطے کی ویب سائٹ ٹوئٹر پر اپنی اہلیہ اداکارہ کرن کھیر کے ملٹی پل مائیلوما نامی بیماری جو کہ  بلڈ کینسرکی قسم ہے ، مبتلا ہونے کی تصدیق  کی ہے ۔ ان کا کہنا ہے  کہ کرن کھیرکا علاج جاری ہے ۔وہ بہت مضبوط ہیں اورآپ سب اپنی دعاؤں میں انہیں یاد رکھیں ۔

pic.twitter.com/3C0dcWwch4

— Anupam Kher (@AnupamPKher) April 1, 2021

  بھارتی نشریاتی ادارے  کے مطابق  گزشتہ برس 11 نومبر کواداکارہ ایک حادثے کا شکار ہوگئی تھیں جس میں ان کا بایاں بازو متاثر ہوا تھا ۔ چندی گڑھ میں پوسٹ گریجویٹ انسٹی ٹیوٹ آف میڈیکل ایجوکیشن اینڈ ریسرچ میں طبی معائنے کے بعد انہیں ملٹی پل مائیلوما کی تشخیص ہوئی تھی۔  اداکارہ 4 ماہ کے علاج کے بعد صحت یاب ہورہی ہیں۔

کرن کھیر اب تک کئی کامیاب فلموں میں کام کر چکی ہیں جن میں منگل پانڈے ، رنگ دے بسنتی ، ویر زارا ، دیوداس ، میں ہوں نا ، دوستانہ ، فنا اور ٹوٹل سیاپا جیسی متعدد فلمیں شامل ہیں ۔