انتونیو گوتریس کی وزیراعظم سے ملاقات

تفصیلات کے مطابق اقوام متحدہ کے سیکرٹری جنرل انتونیو گوتیرس کا ایوان وزیر اعظم آمد پر وزیر اعظم شہباز شریف نے استقبال کیا۔

انتونیو گوتریس کی وزیرِ اعظم ہاؤس آمد کے موقع پر وزیرِ اعظم اور وزیرِ خارجہ بلاول بھٹو نے اُن کا استقبال کیا ۔  اس موقع پر یو این کے سیکریٹری جنرل انتونیو گوتریس کو سیلاب سے ہونے والے نقصانات پر بریفنگ دی گئی۔ 

قبل ازیں اقوام متحدہ کے سیکرٹری جنرل نے پاکستان آمد کے موقع پر اپنی ٹویٹ میں موسمیاتی تبدیلی کے باعث پاکستان میں بارشوں اور ہولناک سیلاب سے ہونے والی تباہی سے متاثرہ افراد کی بحالی کے لیے بین الاقوامی برادری سے دل کھول کر مدد کرنے کی اپیل کی ہے۔

واضح رہے کہ اقوام متحدہ کے سیکریٹری جنرل انتونیو گوتریس 2 روزہ دورے پر پاکستان پہنچے ہیں ، وہ سیلاب سے متاثرہ علاقوں کا دورہ کریں گے۔