پی ڈی ایم الیکشن سے پہلے ٹوٹ جائے گی،شیخ رشید

 سابق وزیر داخلہ اور عوامی مسلم لیگ کے سربراہ شیخ رشید کا کہنا ہے کہ ن اورش کی سیاست آرپار ہو جائے گی اورپی ڈی ایم الیکشن سے پہلے ٹوٹ جائے گی۔

گندم کی قیمت دو ہزار سے چار ہزار من مقرر کرنا غریب کوگھاس کھانے پر مجبورکرنا ہے۔سردیوں سے پہلے ہی گیس کا شارٹ فال شروع ہو گیا۔ شیخ رشید نے سماجی رابطے کی ویب سائیٹ ٹویٹر پر اپنے بیان مین کہا کہ اقوام متحدہ کے سیکرٹری جنرل کو بھی چندے کی ایمانداری کی یقین دہانی کرائی جارہی ہے۔ 

مفتاح کے رونے سے معیشت ٹھیک نہیں ہوگی۔UNکا خطاب ایک بہانہ ہے،اصل میں نواز شریف کومنانا ہے۔ن اورش کی سیاست آرپار ہو جائےگی اورPDMالیکشن سے پہلےٹوٹ جائے گی۔اگر 2مہینوں تک سیلابی پانی نہیں نکالا تو گندم،کپاس اورگنے کی بوائی نہیں ہوپائےگی،پھر کسان کیا کرےگااورغذائی بحران پیدا ہوگا

— Sheikh Rashid Ahmed (@ShkhRasheed) September 12, 2022

نہ کوئی غیرملکی امداد ملی اور نہ ملکی امداد کی ساکھ ہے۔چیئرمین تحریک انصاف عمران خان کی ٹیلی تھون دکھانے پربھی پابندی ہے۔ انکا کہنا تھا کہ وزیر خزانہ مفتاح اسماعیل کے رونے سے معیشت ٹھیک نہیں ہو گی۔ 

یو این کا خطاب ایک بہانہ ہے،اصل میں نواز شریف کومنانا ہے۔ سابق وزیر داخلہ کا کہنا تھا کہ اگر 2 مہینوں تک سیلابی پانی نہیں نکالا تو گندم،کپاس اورگنے کی بوائی نہیں ہو پائے گی جس سے غذائی بحران پیدا ہو گا۔

گندم کی قیمت2ہزار سے4ہزار من مقرر کرناغریب کوگھاس کھانےپر مجبورکرنا ہے۔سردیوں سےپہلےہی گیس کی شارٹ فال شروع ہوگئی ہے۔UNکے سیکرٹری جنرل کوبھی چندےکی ایمانداری کی یقین دہانی کرائی جارہی ہے۔نہ کوئی غیرملکی امدادملی نہ ملکی امدادکی ساکھ ہے۔عمران خان کی ٹیلی تھون دکھانےپربھی پابندی ہے

— Sheikh Rashid Ahmed (@ShkhRasheed) September 12, 2022

 ادھر سابق وزیر اعظم اور مسلم لیگ ن کے سنیئر رہنما شاہد خاقان عباسی کا کہنا ہے کہ دنیا میں تیل کی قیمتیں بڑھیں گی تو یہاں بھی بڑھے گی۔ شاہد خاقان عباسی نے احتساب عدالت میں پیشی کے بعد میڈیا سے گفتگو کرتے ہوئے کہا کہ تیل کی قیمت کا تعین اوگرا کرتا ہے،ان میں 12 عنصر شامل ہے کسی ٹاسک کا حصہ نہیں ہوں۔ انرجی کے معاملات ساتھ مل کے دیکھ رہے ہیں۔ 

4 سال سے جولوگ عدالتوں میں ہیں ان کی زندگی مفلوج ہے۔ انکا کہنا تھا کہ معیشت کو بہتر کرنے کیلئے آئی ایم ایف ایک بنیاد ہے،معاشی بحران عمران خان کی غفلت کے باعث ہے جو ہماری حکومت بھگت رہی ہے۔گزشتہ چار سال کی حکومتی غفلت کا ازالہ چار ماہ میں نہیں ہوگا۔ لیگی رہنما نے کہا کہ وزیر خزانہ سے دوستی نہیں ہے،جبکہ 5 سال سے مفتاح اسماعیل کو جانتا ہوں،ملک اور اس کے ادارے کیسے چلتے ہیں آئین میں سب کچھ موجود ہے۔