پٹرولیم مصنوعات میں اضافے کے پاکستان ریلویز نےکرائے بڑھا دیے

لاہور: پٹرولیم مصنوعات میں اضافے کے بعدپاکستان ریلویز نے ٹرینوں کے کرایوں میں اضافہ کرنے کا اعلان کر دیا۔

ترجمان پاکستان ریلویز کے مطابق اکانومی کلاس کے کرایوں میں 5 فیصد ، اے سی کلاسز کے کرایوں میں 10 فیصد جبکہ مال گاڑیوں کے کرایوں میں 20 فیصد اضافہ کیا گیا ہے ۔ 

ترجمان پاکستان ریلویز کا کہنا ہے کہ اضافے کا اطلاق 9 مارچ سے تمام مسافر ٹرینوں اور مال گاڑیوں کے کرایوں پر ہو گا۔

ترجمان ریلویز کے مطابق فیصلے کا اطلاق پہلے سے کی ہوئی بکنگ پر نہیں ہو گا ۔