گلوکار شوکت علی انتقال کر گئے

تفصیلات کے مطابق نامور پاکستانی گلوکار شوکت علی انتقال کر گئے ۔ شوکت علی جگر کے عارضے میں مبتلا تھے جبکہ  ان کے انتقال کی تصدیق ان کے اہلخانہ کی جانب سے کی گئی ہے۔

گلوکار شوکت علی 17 دن سے لاہور کے سی ایم ایچ ہسپتال میں داخل تھے۔

گلوکار نے 1960 کی دہائی میں گلوکاری کا آغاز کیا ۔شوکت علی پنجاب کے ضلع گجرات کے فنکار گھرانے میں پیدا ہوئے اور انہوں نے اپنے فنی سفر کا  آغاز فلمی گانوں سے کیا۔شوکت علی کو حکومت کی جانب سے پرائڈ آف پر فارمنس سے بھی نوازا جاچکا ہے۔

انہوں نے صوفیانہ کلام اور پنجابی گانوں میں بھی خوب نام کمایا، 1965 کی جنگ میں ان کا گایا ہوا ملی نغمہ، جاگ اٹھا ہے، سارا وطن اب بھی جوانوں کو جوش دلاتا ہے۔

یاد رہے کہ شوکت علی کو گزشتہ دنوں طبیعت بگڑنے پر اسپتال منتقل کیا گیا تھا اور ان کے بیٹے عمران شوکت نے مداحوں سے اپنے والد کی صحتیابی کے لیے دعا کی اپیل بھی کی تھی۔