انگلینڈ کرکٹ ٹیم آج پاکستان پہنچے گی

تفصیلات کے مطابق انگلش ٹیم لندن سے براستہ دبئی پاکستان پہنچے گی  بعد ازاں کھلاڑی مقامی ہوٹل میں پریس کانفرنس سے خطاب کریں گے۔

پاکستان اور انگلینڈ کے درمیان سات ٹی ٹوئنٹی انٹرنیشنل میچوں پر مشتمل سیریز کا آغاز 20 ستمبر کو کراچی سے ہوگا۔  

سیریز کے بقیہ تین میچ 22، 23 اور 25 ستمبر کو نیشنل اسٹیڈیم کراچی میں کھیلے جائیں گے جبکہ 28، 30 ستمبر اور 2 اکتوبر کو شیڈول میچز قذافی اسٹیڈیم لاہور میں ہوں گے۔

انگلش کرکٹ ٹیم کے دورہ پاکستان کے لئے فول پروف انتظامات کئے گئے ہیں ۔

اس کے علاوہ پاک انگلینڈ سیریز  کے پریکٹس شیڈول کا بھی اعلان کر دیا گیا ہے ، انگلینڈ کی ٹیم پہلا پریکٹس سیشن  کل شام کرے گی جبکہ ہفتے کو پاکستان اور انگلینڈ دونوں ٹیمیں پریکٹس سیشن کریں گی۔