الیکشن کمیشن کا قومی اسمبلی کی آٹھ نشستوں پر ضمنی انتخابات 16 اکتوبرکوکرانے کافیصلہ

تفصیلات کے مطابق یہ فیصلہ اسلام آباد میں الیکشن کمیشن آف پاکستان کے اجلاس میں کیا گیا جس کی صدارت چیف الیکشن کمشنر سکندر سلطان راجہ نے کی۔انتخابات کی تاریخ میں تبدیلی  9  اکتوبرکوعید میلاد النبیۖ کے امکان کی وجہ سے کی گئی ہے۔

 ضمنی انتخابات این اے22 مردان ، این اے 24  چارسدہ، این اے 31 پشاور، این اے 45  کرم، این اے 108  فیصل آباد، این اے118  ننکانہ صاحب ، این اے 237 ملیراوراین اے 239  کورنگی کراچی کے حلقوں میں ہوں گے۔ 

الیکشن کمیشن نے سندھ کے بلدیاتی انتخابات کے دوسرے مرحلے کے انعقاد پر بھی غورکیا اور فیصلہ کیاکہ کراچی ڈویژن میں پولنگ اگلے ماہ کی  23 تاریخ کوہوگی۔