وزیر اعظم آج سمرقند میں مصروف دن گزاریں گے

تفصیلات کے مطابق وزیرِ اعظم آذربائیجان کے صدر الہام علیوف سے ملاقات کریں گے ، اس کے بعد وزیرِ اعظم چین کے صدر شی جن پنگ سے ملاقات کریں گے۔

ملاقات کے بعد وزیرِ اعظم شنگھائی تعاون تنظیم کونسل آف ہیڈز آف سٹیٹس میں شرکت کیلئے کانگرس سینٹر جائیں گے ۔ وزیرِ اعظم شنگھائی تعاون تنظیم کے سربراہان سے خطاب بھی کریں گے۔

بعد ازاں وزیرِ اعظم قزاقستان کے صدر قاسم جو مارٹ توکایوف سے ملاقات کریں گے۔وزیرِ اعظم اپنے دورے کے اختتام سے پہلے امام بخاری کے مزار پر حاضری بھی دیں گے۔