وزیراعظم ایس سی او سالانہ اجلاس میں شرکت کیلئے کانگریس سنٹر سمرقند پہنچ گئے

تفصیلات کے مطابق ایس سی او کے رکن اور مبصر ممالک کے رہنمائوں کے علاوہ ایس سی او کی تنظیموں سمیت دیگر خصوصی مہمان اجلاس میں شریک ہوں گے ۔

تنظیم کے رہنما اہم بین الاقوامی اور علاقائی مسائل پر غور کریں گے جن میں موسمیاتی تبدیلی، خوراک اور توانائی کے تحفظ اور پائیدار رسد کے اُمور شامل ہیں۔

وہ مختلف معاہدوں کی بھی منظوری دیں گے جو ایس سی او کے رکن ممالک کے مابین مستقبل میں تعاون کے لئے رہنمائی فراہم کریں گے۔

وزیر اعظم نے آج آذربائیجان کے صدر سے سمرقند میں ملاقات کی جس میں دوطرفہ تعلقات پر تبادلہ خیال کیا گیا۔

شہباز شریف، چین کے صدر شی چن پنگ  اور قازقستان کے صدر KASSYM JOMART TOKAYEV سے بھی ملاقات کریں گے۔