شہنشاہِ غزل مہدی حسن کے صاحبزادے عارف مہدی حسن انتقال کر گئے

خاندانی ذرائع  کے مطابق  عارف حسن کا انتقال ہائی بلڈ پریشر کے باعث ہوا، وہ طویل عرصہ سے شوگر کے مرض میں مبتلا تھے۔ ان کی نمازِ جنازہ آج بعد نمازِ عصر ٹو ڈی بس کے اخری اسٹاپ انچولی بیس نمبر پر  ادا کی جائے گی جبکہ  تدفین محمد شاہ قبرستان نارتھ کراچی میں والد مہدی حسن کے پہلو  میں کی جائے گی۔

مرحوم عارف مہدی، مہدی حسن فاؤنڈیشن کے بانی صدر تھے، خود بھی ماہر طبلہ نواز تھے اور مختلف ورائٹی شوز آرگنائز کرتے تھے۔  عارف مہدی آخری ایام میں مہدی حسن کے لیے بڑے ٹریبیوٹ کی تیاریوں میں مصروف تھے، مرحوم اپنے والد مہدی حسن کے منیجر کے طور پر بھی خدمات انجام دیتے تھے۔