شمالی وزیرستان میں پاک افغان بارڈر پر سرحد پار سے فائرنگ

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں پاک افغان بارڈر پر سرحد پار سے فائرنگ کی گئی دوتوئی کے علاقے میں دہشت گردوں نے افغان علاقے سے فوجیوں کو نشانہ بنایا۔

آئی ایس پی آر کے مطابق پاک فوج کےجوانوں کی بھرپورجوابی کارروائی سے دہشت گردوں کو بھاری جانی نقصان پہنچا ہے۔

ترجمان پاک فوج کا بتانا ہے کہ فائرنگ کے تبادلے میں جعفر آباد کے 34 سالہ شہری نظر محمد بہادری سے لڑتے ہوئے شہید ہوگئے۔

پاک فوج کی جانب سے دہشت گردوں کی جانب سے پاکستان مخالف سرگرمیوں کے لیے افغان سرزمین کے استعمال کی شدید مذمت کی گئی ہے۔

آئی ایس پی آر کا کہنا ہے کہ پاک فوج دہشت گردی کی لعنت کے خاتمے کیلئے پرعزم ہے اور بہادرسپاہیوں کی قربانیاں ہمارے عزم کو مزید تقویت دیتی ہیں۔