رانا ثنا اللہ نے دھمکی دی ہے، میرا وعدہ ہے اسلام آباد میں چھپنے کی بھی جگہ نہں ملے گی، عمران خان

پی ٹی آئی کے کنونشن سے خطاب کرتے ہوئے سابق وزیراعظم عمران خان نے کہا کہ یہ امتحان کا وقت ہے، رانا ثنا اللہ نے دھمکی دی ہے، میرا وعدہ ہے کہ رانا ثنا اللہ کو اسلام آباد میں چھپنے کی جگہ نہیں ملے گی۔

انہوں نے کہا کہ آزادی پلیٹ میں رکھ کرنہیں ملتی، قربانیاں دینا پڑتی ہیں، یہ لوگ ہمیں آرام سےآزادی نہیں دیں گے، میں ایک آزادانسان ہوں، کبھی کسی کے سامنے نہیں جھکا، کبھی بزدل آدمی لیڈرنہیں بن سکتا۔

چیئرمین پی ٹی آئی عمران خان نے کہا کہ اب حکومت روس سے تیل اور گندم لینے کی بات کر رہی ہے، آج ملک پر مہنگائی کا سمندر ہے، سازش کر کے ہماری حکومت گرائی گئی۔

 عمران خان نے کہا کہ ملک میں آج بدترین مہنگائی ہے، جو لوگ ان کو لے کر آئے یہ ان سے ڈرے ہوئے تھے، انہوں نے بھی ہمارے دور میں دھرنے دیئے ہم نے کسی کو نہیں روکا۔