مہنگائی کے مارے عوام کی مشکلات مزید بڑھ گئیں،اہم اشیائے خورونوش کی قیمتوں میں اضافہ کر دیا گیا، دالوں کی قیمت میں 50 روپے فی کلو تک کا اضافہ ہو گیا۔

ملک بھرمیں مہنگائی کا جن بے قا بو ہو گیا ، روز مرہ کی اشیائے خوردونوش کی قیمتوں میں اضافہ رکنے کا نام ہی نہیں لے رہا ، اسلام آباد کے سستے بازار بھی مہنگے ہوگئے ، ملتان میں بھی قیمتوں میں ریکارڈ اضافہ ہوتا جا رہا ہے ۔ 

شہریوں کا کہنا ہے کہ اشیائے خوردونوش کی قیمتوں میں اضافہ پیٹرول مہنگا ہونے کی وجہ سے کیا جا رہا ہے ، چکن کی قیمت میں گزشتہ روز کمی دیکھی گئی تھی جبکہ چکن کی قیمت میں 50 روپے فی کلو تک اضافہ کر دیا گیا ہے ۔

شہریوں کا کہنا ہے کہ تاجر 12 ربیع الاول آنے کی وجہ سے اشیا ئے خوردو نوش مہنگی کر رہے ہیں ، شہریوں کا کہنا ہے کہ کسی بھی ایسے موقع پر عید ہو یا شب برات رمضان المبارک ہو یا بقرہ عید تاجر مصنوعی مہنگائی کرنے میں سب سے آگے ہیں ۔

شہریوں نے پرائس کنٹرول کمیٹیوں کو غیر فعال قرار دے دیا ۔

شہری کہتے ہیں حکومت مصنوعی مہنگائی پیدا کرنے والوں کے خلاف ٹھوس اقدامات اٹھائے۔پشاورمیں بڑھتی ہوئی مہنگائی کو کنٹرول نہ کیا جاسکا، آٹے کی قیمتوں کے بعد دالوں کے نرخوں کو بھی پر لگ گئے، شہر کی اوپن مارکیٹ میں لوبیا 120 سے 200 روپے، دال ماش کی قیمت میں 28 روپے جبکہ دال  مونگ دال کی قیمت میں 20 روپے اضافہ  دال چنا کی قیمت میں 18 روپے فی کلو اضافہ کیا گیا ۔

پاکستان تحریک انصاف کے ترجمان نے کہا ہے کہ پی ٹی آئی پاکستان کی سب سے بڑی اور وفاقی سطح پر عوام کی واحد نمائندہ سیاسی جماعت ہے

تحریک انصاف اور چیئرمین عمران خان کے بغیر منصفانہ انتخابات کے حوالے سے نگران وزیراعظم کے بیان پر  پی ٹی آئی کی جانب سے شدید ردعمل کا اظہار  کرتے ہوئے ترجمان کا کہنا تھا کہ نگران وزیراعظم کا بیان آئین و جمہوریت اور ملکی مفادات کے حوالے سے ریاستی ڈھانچے میں پائی جانے والی عدم حساسیّت کا مظہر ہے۔ مقبولیت کے تمام معیارات کے مطابق عمران خان بلاشرکتِ غیرے ملک کے مقبول ترین سیاسی قائد ہیں۔

تحریک انصاف اور چیئرمین عمران خان کے بغیر منصفانہ انتخابات کے حوالے سے نگران وزیراعظم کا بیان

پاکستان تحریک انصاف کی جانب سے شدید ردعمل کا اظہار

نگران وزیراعظم کا بیان آئین و جمہوریت اور ملکی مفادات کے حوالے سے ریاستی ڈھانچے میں پائی جانے والی عدم حساسیّت کا مظہر ہے،

تحریک…

— PTI (@PTIofficial) September 24, 2023

ترجمان نے مزید کہا کہ نگران وزیراعظم کو معلوم ہونا چاہئے کہ عمران خان یا تحریک انصاف کی شمولیت کے بغیر کروایا گیا کوئی بھی الیکشن غیرآئینی، غیرقانونی اور غیراخلاقی ہوگا جسے عوام ہرگز قبول نہیں کریں گے، غیرمعمولی عوامی تائید کی حامل سیاسی قیادت اور جماعتوں کو مصنوعی، غیرجمہوری اور غیرآئینی طریقوں سے انتخاب سے باہر کرنے کے نتائج ہمیشہ تباہ کن ہوا کرتے ہیں۔

پارٹی ترجمان کا کہنا تھا کہ دستور، قانون، جمہوریت اور اخلاق نگران وزیراعظم کو سیاست و انتخاب پر اثرا انداز ہونے کے کسی غیرفطری، غیرجمہوری اور غیرآئینی منصوبے کا حصہ بننے کی ہرگز اجازت نہیں دیتے، انوارالحق کاکڑ اپنے بیان کی فوری وضاحت کریں اور بطور نگران وزیراعظم اپنی حکومت کو جمع تفریق کے شرانگیز منصوبوں سے مکمل الگ کریں۔

گوجرانوالہ : علی ٹاؤن کے علاقے میں 21 سالہ نوجوان کو شدید تشدد کرنے کے باعث قتل کیا گیا تھا ۔

ملزمان کی عدم گرفتاری کے باعث ورثاء  نے نعش روڈ پر رکھ کر احتجاج شروع کر دیا جس کےباعث جی ٹی روڈ سے آنے جانے والی ٹریفک متاثر ہوگئی ۔

مقتول کے ورثاء نے چن داقلعہ چوک بلاک کر دیا جس کے باعث ٹریفک شدید متاثر ہو رہی ہے ، مسافروں کا گاڑیا ں روک کر احتجاج کو ختم کرنے کا مطالبہ ۔

ورثاء کا کہنا ہے کہ ملزمان کی گرفتاری تک احتجاج اسی طرح جاری رہے گا ۔

ملزمان کی عدم گرفتاری پر ورثا کا چن داقلعہ چوک پر احتجاج جی ٹی روڈ بلاک کردیا#GNN #NewsUpdates #BreakingNews #GNN_Updates pic.twitter.com/0HAOP1YL17

— GNN (@gnnhdofficial) September 24, 2023

پولیس کے اعلی افسران نے واقعے کا نوٹس لے کر جائے وقوعہ پر پہنچ گئے ، پولیس کی جانب سے مقتول کے ورثاء سے مذاکرات جاری ہیں ۔

پولیس حکام کا کہنا ہے کہ ملزمان کو جلد سے جلد گرفتار کر لیا جائے گا ، پولیس کا مزید کہناہے کہ ملزمان کو قانون کے کٹہرے میں لا کر قرارواقعے سزا دلوائیں گے ۔