پاکستان
سینیٹ میں پیپلزپارٹی کو ایک اور بڑے جھٹکے کا امکان
اسلام آباد: سینیٹ میں پاکستان پیپلزپارٹی کو ایک اور بڑے جھٹکے کا امکان ، ہے، ذرائع کے مطابق اے این پی نے بھی پیپلز پارٹی کا ساتھ چھوڑنے کا عندیہ دے دیا۔
تفصیلات کے مطابق مسلم لیگ نواز اور جے یو آئی ف کے اے این پی سے رابطے ہوئے ہیں ،جس کے بعد سینیٹ میں پیپلزپارٹی کو ایک اور بڑے جھٹکے کا امکان ہے، ذرائع کے مطابق اے این پی نے بھی پیپلز پارٹی کا ساتھ چھوڑنے کا عندیہ دے دیا ہے۔
بریکنگ نیوز۔ ۔ ۔
— GNN (@gnnhdofficial) April 3, 2021
سینیٹ میں پیپلز پارٹی کو ایک اور بڑے جھٹکے کا امکان #SenateElection2021 #senateelections #BreakingNews @BBhuttoZardari @MaryamNSharif @MoulanaOfficial @MediaCellPPP @pmln_org @NawazSharifMNS pic.twitter.com/s24gDoUD5Z
جی این این کے مطابق مسلم لیگ ن کے رہنما شاہد خاقان عباسی اور عبد الغفور حیدری کا اے این پی کے امیر حیدر ہوتی سے رابطہ ہوا ۔اے این پی کا کہنا ہے کہ پیپلز پارٹی نے باپ پارٹی سے حمایت لینے کے فیصلے پر اعتماد میں نہیں لیا، اے این پی باپ پارٹی سے حمایت لینے کے فیصلے کی حمایت نہیں کرتی ہے۔
امیر حیدر ہوتی نے کہا کہ پیپلزپارٹی سے بات کریں گے ، اگر فیصلے پر نظر ثانی نہ کی تو اپنی حمایت واپس لینے کا سوچیں گے۔
پاکستان
نواز شریف سے برطانوی ہائی کمشنر جین میریٹ کی ملاقات
ملاقات میں پاکستان اور برطانیہ میں دوطرفہ تعلقات میں بڑھتے فروغ پر اطمینان کا اظہار کیا گیا
پاکستان مسلم لیگ (ن) کے قائد میاں نواز شریف سے پاکستان میں برطانیہ کی ہائی کمشنر جین میریٹ کی ملاقات کی۔ ملاقات میں باہمی دلچسپی کے امور پر تبادلہ خیال کیا گیا ۔
پاکستان اور برطانیہ میں مختلف شعبوں میں دوطرفہ تعاون میں اضافے پر بھی بات چیت ہوئی ۔
نواز شریف اور برطانوی ہائی کمشنر کی اس ملاقات میں پاکستان اور برطانیہ میں دوطرفہ تعلقات میں بڑھتے فروغ پر اطمینان کا اظہار کیا گیا ۔
قائد میاںنواز شریف نے پاکستان میں سماجی شعبے کی ترقی اور دونوں ممالک کے تعلقات کی مزید مضبوطی کے لئے برطانوی ہائی کمشنر کی کاوشوں کو سراہا ۔
برطانوی ہائی کمشنر نے ملاقات کے لئے وقت دینے پر پارٹی قائد محمد نواز شریف کا شکریہ ادا کیا۔
تجارت
سونے کی قیمت میں بڑا اضافہ ریکارڈ
ملک بھر میں فی تولہ سونے کی قیمت 3ہزار 1 سو روپے بڑھ کر 2 لاکھ 48 ہزار 100 روپے ہوگئی
ملک بھر میں فی تولہ سونے کی قیمت 3ہزار 1 سو روپے بڑھ کر 2 لاکھ 48 ہزار 100 روپے ہوگئی ہے۔اسی طرح دس گرام سونے کی قیمت بھی 2658روپے کے اضافے سے 212706روپے کی سطح پر آگئی۔
عالمی مارکیٹ میں فی اونس سونے کی قیمت 30ڈالر کے اضافے سے 2414ڈالر کی سطح پر آگئی۔
دوسری جانب عالمی مارکیٹ کے نمائندوں کا کہنا ہے کہ مقامی صرافہ مارکیٹوں میں قوت خرید متاثر ہونے اور سونے کی تجارتی سرگرمیوں میں نمایاں کمی کے پیش نظر سونے کی مقامی قیمت عالمی قیمت میں اضافے کے تناسب کے بجائے 4000 روپے انڈرکاسٹ رکھی گئی ہیں۔
پاکستان
وزیراعظم کی بشکیک میں پاکستانی طلبہ کی ہر ممکن مدد کرنیکی ہدایت
وزیراعظم شہباز شریف نے کرغزستان میں پاکستانی اور دیگر ممالک کے طلبہ کی صورتحال کے حوالے سے گہری تشویش کا اظہار کیا
وزیراعظم شہباز شریف نے کرغزستان میں پاکستانی اور دیگر ممالک کے طلبہ کی صورتحال کے حوالے سے گہری تشویش کا اظہار کیا ہے۔
وزیر اعظم نے بشکیک میں پاکستانی سفیر کو پاکستانی طلبہ کی ہر ممکن مدد کرنے کی ہدایت کی ہے۔
بشکیک میں پاکستانی سفارت خانے نے طلبہ کے لئے ایمرجنسی نمبر فراہم کر دیئے ہیں ۔
وزیر اعظم شہباز شریف نے کہا ہے کہ ان کا آفس بشکیک میں پاکستان کے سفارت خانے سے رابطے میں ہے اور تمام صورت حال کی مانیٹرنگ کررہا ہے۔
دوسری جانب نائب وزیراعظم اور وزیر خارجہ اسحاق ڈار کا کہنا ہے کہ کرغزستان میں طلباء پر ہجوم کے حملوں کی اطلاعات انتہائی تشویشناک ہیں۔
اسحاق ڈار نے مزید کہا کہ ہم نے پاکستانی طلباء کی حفاظت کو یقینی بنانے کے لیے کرغز حکام سے رابطہ قائم کیا ہے، اور کرغزستان میں اپنے سفیر کو مکمل سہولیات فراہم کرنے کی ہدایت کی ہے۔
واضح رہے کہ کرغزستان کے دارالحکومت بشکیک میں مقامی اور غیر ملکی طلباء کے درمیان جھگڑے کے بعد ہنگامہ آرائی ہوئی تھی۔ ہنگاموں سے پاکستانی طلبہ بھی متاثر ہوئے اور مشتعل کرغز طلبہ نے پاکستانی طلبہ کے ہاسٹل پر حملہ کردیا جس میں متعدد طلبہ زخمی ہوگئے۔
-
علاقائی 15 گھنٹے پہلے
خوشاب: منی ٹرک کھائی میں جا گرا،13 افراد جاں بحق
-
دنیا 2 دن پہلے
ایران کے سابق وزیر کو کرپشن کے الزام میں 3 سال قید کی سزا
-
تجارت ایک دن پہلے
آئی ایم ایف نے پاکستان سے اخراجات میں کمی کا مطالبہ کر دیا
-
پاکستان 14 گھنٹے پہلے
شہباز شریف متفقہ طور پر مسلم لیگ (ن) کے قائم مقام صدر نامزد
-
تجارت ایک دن پہلے
حکومت کا عوام کو بجلی کا ایک اور جھٹکا، یونٹ 1.47 روپے مزید مہنگا
-
پاکستان ایک دن پہلے
بانی چیئرمین پی ٹی آئی کا آرمی چیف کو خط لکھنے کا فیصلہ
-
ٹیکنالوجی 2 دن پہلے
گوگل نے آرٹیفیشل انٹیلیجنس پر مبنی ایک معیاری ٹول متعارف کرا دیا
-
پاکستان 2 دن پہلے
نیب ترامیم کیس :عمران خان ویڈیو لنک کے ذریعے سپریم کورٹ میں پیش