سیکیورٹی فورسز کا آپریشن، ایک دہشت گرد ہلاک

جی این این نے پاک فوج کے شعبہ تعلقات عامہ (آئی ایس پی آر) کے حوالے سے بتایا ہے کہ آپریشن پشاور کے علاقے متنی میں کیا گیا۔

آئی ایس پی آر کے مطابق خفیہ اطلاع پر کیے جانے والے آپریشن کے دوران سیکیورٹی فورسز اور دہشت گردوں کے درمیان فائرنگ کا تبادلہ ہوا جس کے نتیجے میں ایک دہشت گرد ہلاک ہو گیا۔ ہلاک دہشت گرد کے قبضے سے اسلحہ اور بارود بھی برآمد کیا گیا ہے۔

آئی ایس پی آر کے مطابق ہلاک دہشت گرد سیکیورٹی فورسزکے خلاف کارروائیوں اورشہریوں کے قتل میں ملوث تھا۔