وزیراعظم کی گوجرانوالہ میں عمران خان کے کنٹینر پر فائرنگ کی مذمت

تفصیلات کے مطابق وزیراعظم شہبازشریف  نے گوجرانوالہ میں  عمران خان پر فائرنگ کے واقعے کی مذمت کرتے ہوئے  واقعے کی رپورٹ فوری طلب کرلی ہے ۔

وزیراعظم نے وفاقی وزیر داخلہ رانا ثناء اللّٰہ کو آئی جی پولیس اور چیف سیکرٹری پنجاب سے فوری رپورٹ طلب کرنے کی ہدایت دی ہے۔

وفاقی وزیر احسن اقبال نے بھی ایک  بیان میں فائرنگ کی مذمت کرتے  ہوئے کہا کہ اللہ کا شکر ہے کہ عمران نیازی محفوظ ہیں،  سیاست میں تشدد کی کوئی گنجائش نہیں،عمران نیازی کے کنٹینر پرفائیرنگ کے واقعہ کی شدید مذمت کرتا ہوں، حکومت پنجاب کو سیکیورٹی انتظامات کا جائزہ لینا چائیے۔

 واضح رہے کہ  پاکستان تحریک انصاف (پی ٹی آئی) کے لانگ مارچ میں چیئرمین عمران خان کے کنٹینر پر فائرنگ سے عمران خان سمیت متعدد افراد زخمی ہو گئے ہیں ۔ پولیس ذرائع کے مطابق فائرنگ کے نتیجے میں 4 افراد زخمی ہوئے۔

عمران خان کو فائرنگ کے فوری بعد روانہ کر دیا گیا،  فائرنگ کے بعد لانگ مارچ سے ایک مبینہ شخص کو بھی گرفتار کر لیا گیا۔