سینئر سیاستدان سردار میر بلخ شیر مزاری انتقال کر گئے

سینئر سیاستدان سردار میر بلخ شیر مزاری انتقال کر گئے۔ تفصیلات کے مطابق پاکستان کے سابق نگران وزیراعظم سردار میر بلخ شیر مزاری جمعہ کی شب کو دنیا سے رخصت ہو گئے۔

میڈیا رپورٹس کے مطابق سینئر سیاستدان کافی عرصے علیل تھے، جبکہ گزشتہ 3 ہفتوں سے لاہور میں ان کا علاج جاری تھا۔ انتقال کے وقت سردار میر بلخ شیر مزاری کی عمر 95 سال تھی۔

واضح رہے کہ میر بلخ شیر مزاری کو 1993 میں نگران وزیر اعظم تعینات کیا گیا تھا، جبکہ وہ کئی مواقعوں پر قومی اسمبلی اور صوبائی اسمبلی کے رکن منتخب ہونے میں بھی کامیاب رہے تھے۔