جی این این سوشل

پاکستان

عمران خان کے ادارے پر الزامات بےبنیاد، حکومت معاملے کی تحقیقات کرے: آئی ایس پی آر

پاک فوج کےترجمان نے کہا ہےکہ حکومت بغیر کسی ثبوت ادارے کی ہتک کے ذمہ داروں کے خلاف قانونی کارروائی کرے-

پر شائع ہوا

کی طرف سے

عمران خان کے ادارے پر الزامات بےبنیاد،  حکومت معاملے کی تحقیقات کرے: آئی ایس پی آر
جی این این میڈیا: نمائندہ تصویر

راولپنڈی: پاک فوج کےترجمان نے کہا ہے کہ پاکستان تحریک انصاف کے چیئر مین اور سابق وزیراعظم عمران خان کے ادارے پر الزامات غیر ضروری ہیں۔ حکومت اس معاملے کی تحقیقات کرے۔

 پاک فوج کے شعبہ تعلقات عامہ ( آئی ایس پی آر) کی طرف سے جاری کردہ بیان کے مطابق پی ٹی آئی چیئرمین عمران خان کے ادارے کے خلاف بے بنیاد اور غیر ذمہ دارانہ الزامات یکسر ناقابل قبول ہیں۔ چیئرمین پی ٹی آئی کے بالخصوص ایک اعلیٰ فوجی افسر کے خلاف بے بنیاد الزامات ناقابل قبول ہیں، آج ادارے پر لگائے گئے بے بنیاد الزامات انتہائی افسوسناک ہیں۔

بیان کے مطابق پاک فوج کو انتہائی پیشہ ورانہ ہونے پر خود پر فخر ہے، پاک فوج ایک انتہائی پیشہ ور اور نظم و ضبط کی حامل فوج ہے، پاک فوج کا ایک مضبوط اور انتہائی مؤثر اندرونی احتسابی نظام ہے۔ کسی کو بھی ادارے یا اس کے سپاہیوں کی بےعزتی کرنے کی اجازت نہیں دی جائے گی، حکومت پاکستان سے درخواست کی ہے کہ وہ اس معاملے کی تحقیقات کرے، حکومت بغیر کسی ثبوت ادارے کی ہتک کے ذمہ داروں کے خلاف قانونی کارروائی کرے۔

آئی ایس پی آر کا کہناہےکہ ادارے اور اہلکاروں پر لگائے گئے بے بنیاد الزامات کی پر زور مذمت کرتے ہیں، یہ ادارہ افسروں اور سپاہیوں کی بھرپور حفاظت کرے گا، مفاد پرستوں کے الزامات سے ادارے کی عزت کو داغدار کیا جائے گا تو ادارہ افسروں، سپاہیوں کی حفاظت کرے گا۔

تجارت

کراچی سمیت ملک کے 42 شہروں میں پرچون فروشوں پر ماہانہ فکسڈ ٹیکس نافذ

ایف بی آرنے اس سلسلے میں باضابطہ نوٹیفکیشن جاری کردیا

پر شائع ہوا

ویب ڈیسک

کی طرف سے

کراچی سمیت ملک کے 42 شہروں میں پرچون فروشوں پر ماہانہ فکسڈ ٹیکس نافذ

کراچی سمیت ملک کے 42 شہروں میں پرچون فروشوں پر ماہانہ فکسڈ ٹیکس نافذ کردیا گیا۔

فیڈرل بورڈ آف ریونیو (ایف بی آر) نے اس سلسلے میں باضابطہ نوٹیفکیشن جاری کردیا جس کے مطابق ریٹیلرز پر  100 روپے سے لے کر 10 ہزار روپے تک ماہانہ فکسڈ ٹیکس نافذ کردیا گیا ہے۔

نوٹیفکیشن میں بتایاگیا ہےکہ کراچی، لاہور، اسلام آباد، پشاور اور کوئٹہ سمیت 42 شہروں میں  ریٹیلرز پر ماہانہ فکسڈ ٹیکس نافذ کیا گیا ہے۔

وزیر خزانہ کی منظوری سے ایف بی آر نے تاجر دوست خصوصی رولز 2024 کا اجرا کیا اور ٹیکس مشینری نے دکانوں کی مالیت کے حساب سے خوردہ فروشوں کے لیے 100 روپے سے لے کر 10 ہزار روپے ماہانہ فکسڈ ٹیکس مقرر کیا ہے۔

پڑھنا جاری رکھیں

پاکستان

9 مئی مقدمات،عمران خان کا پولی گرافک، وائس میچنگ اور فوٹوگرامیٹری ٹیسٹ دینے سے انکار

جیل میں تفتیش کے دوران بانی پاکستان تحریک انصاف نے ابتدائی طور پر سوالات کے جواب دینے سے انکار کیا اور کہا مجھے پولیس پر اعتبار نہیں

پر شائع ہوا

ویب ڈیسک

کی طرف سے

9 مئی مقدمات،عمران خان  کا پولی گرافک، وائس میچنگ اور فوٹوگرامیٹری ٹیسٹ دینے سے انکار

بانی چیئرمین پی ٹی آئی عمران خان سے لاہور پولیس کی 9 مئی مقدمات کے حوالے سے تفتیش کا پہلا مرحلہ مکمل ہوگیا، تفتیش کے دوران پولیس نے سابق وزیر اعظم سے مختلف سوالات کیے گئے۔ عمران خان نے آج پولی گرافک، وائس میچنگ اور فوٹوگرامیٹری ٹیسٹ دینے سے انکار کردیا۔

لاہور پولیس کی تفتیشی ٹیم ڈی ایس پی جاوید اصف کی سربراہی میں اڈیالہ جیل پہنچی، جیل میں تفتیش کے دوران بانی پاکستان تحریک انصاف نے ابتدائی طور پر سوالات کے جواب دینے سے انکار کیا اور کہا مجھے پولیس پر اعتبار نہیں۔

تفتیشی ٹیم کے سربراہ ڈی ایس پی جاوید آصف نے عمران خان کو مخاطب کرکے کہا کہ آپ پولیس کے تفتیشی افسران سے تعاون کریں، ہم آپ کے ساتھ انصاف کریں گے،یقین دہانی پر بانی چیئرمین پی ٹی آئی نے 15 منٹ تک پولیس کے سوالات کے جوابات دیے۔

تفتیش کے دوران سابق وزیر اعظم نے پنجاب فرانزک سائنس کے ماہرین کو تین ٹیسٹ دینے سے انکار کرتے ہوئے کہا کہ ’میں بہت سے اداروں کے زیر تفتیش ہوں، فی الحال کوئی ٹیسٹ نہیں کراؤں گا، مختلف ٹیسٹ کرنے کے حوالے سے بعد میں پولیس کو وقت دوں گا‘۔

واضح رہے کہ پی ایف ایس اے کی ٹیم نے عمران خان کی پولی گرافک، وائس میچنگ اور فوٹوگرامیٹری ٹیسٹ کرنے تھے۔ تفتیش کا پہلا مرحلہ مکمل ہونے پر لاہور پولیس کی تفتیشی ٹیم اڈیالہ جیل سے واپس روانہ ہوگئی۔

خیال رہے کہ گزشتہ روز بانی پی ٹی آئی عمران خان نے تفتیشی ٹیم سے تعاون کرنے سے انکار کیا تھا۔

پڑھنا جاری رکھیں

پاکستان

پی ٹی آئی کے مرکزی دفتر پر چھا پہ ،ہائی کورٹ نے ڈی آئی جی آپریشنز اسلام آباد کو طلب کرلیا

پی ٹی آئی نے گرفتاریوں اور مرکزی سیکرٹریٹ پر چھاپوں کے خلاف اسلام آباد ہائی کورٹ میں درخواست دائر کی تھی

پر شائع ہوا

ویب ڈیسک

کی طرف سے

پی ٹی آئی کے مرکزی دفتر پر چھا پہ ،ہائی کورٹ نے  ڈی آئی جی آپریشنز اسلام آباد  کو طلب کرلیا

اسلام آباد : پی ٹی آئی کے مرکزی دفتر پر پولیس کے چھاپوں اور گرفتاریوں کے خلاف اسلام آباد ہائی کورٹ نے ڈی آئی جی آپریشنز اسلام آباد کو طلب کرلیا ۔ 

چیف جسٹس عامر فاروق نے ایف آئی اے حکام کو بھی طلب کر لیا ہے ۔ 

واضح رہے کہ پی ٹی آئی نے گرفتاریوں اور مرکزی سیکرٹریٹ پر چھاپوں کے خلاف اسلام آباد ہائی کورٹ میں درخواست دائر کی تھی ۔ 

پڑھنا جاری رکھیں

ٹرینڈنگ

Take a poll