اوباڑو:  ڈاکوؤں کے حملے میں ڈی ایس پی اور 2 ایس ایچ سمیت 5 اہلکار شہید

ترجمان پولیس کے مطابق  شہید ہونیوالوں میں  ڈی ایس پی اباڑو عبدالمالک بھٹو، شہید ایس ایچ او میر پور ماتھیلو عبدالمالک کمانگر، شہید ایس ایچ او کھینجو دین محمد لغاری،  شہید پولیس کانسٹیبل جتوئی پتافی تھانہ میر پور ماتھیلو، شہید پولیس کانسٹیبل محمد سلیم چاچڑ تھانہ اباڑو شامل ہیں ۔

مقابلے میں ایس ایچ او رونتی غلام علی بروہی اور دیگر اہل کار زخمی ہوئے ہیں ۔

رونتی کچے میں پولیس مقابلے میں شہید ہونے والے آفیسروں اور اہلکاروں کی لاشیں پولیس نے تحویل میں لیکر تحصیل اسپتال اوباڑو منتقل کر دی گئی ہیں ۔ 

ڈی آئی جی کے مطابق  گھوٹکی کی تحصیل اوباڑو کے کچے میں مغویوں کی بازیابی کے لیے پولیس کیمپ قائم کیا گیا تھا۔ رات کے وقت ڈیڑھ سو سے زائد ڈاکوؤں نے پولیس کیمپ پر حملہ کردیا۔ 

ترجمان پولیس کے مطابق شہید ہونے والوں کی نماز جنازہ ٹھیک 11 بجے ایس ایس پی آفس لان میں ادا کی جائے گی۔

نماز جنازہ میں شرکت کےلئے پولیس آفیسرز اور پولیس آفیشلز پولیس یونیفارم میں آنے کی ہدایت کی گئی ہے ۔