عمران خان کو  ہسپتال سے ڈسچارج کردیا گیا 

جی این این  کے مطابق  عمران خان کی ڈسچارج سلپ بنادی گئی ہے ، وہ  12 بجے کے قریب شوکت خانم ہسپتال سے  اپنی رہائش گاہ  زمان پارک روانہ ہوں گے۔ 

اس سے قبل  ذرائع ہسپتال انتظامیہ کا کہنا  تھا کہ عمران خان کے تمام ٹیسٹ اطمینان بخش ہیں ۔ چیئرمین پی ٹی آئی  عمران خان کا شوکت خانم ہسپتال میں چوتھے روز بھی علاج جاری تھا جبکہ 4 رکنی میڈیکل بورڈ نے 9 بجے عمران خان کا طبی معائنہ کیا گیا تھا  اور انکا  شوگر اور بلڈ پریشر بھی نارمل تھا۔    

واضح رہے کہ شوکت خانم ہسپتال کے میڈیکل بورڈ نے گزشتہ روز بھی عمران خان کی تمام میڈیکل رپورٹس کو تسلی بخش قرار دیا تھا۔

دوسری جانب سابق وزیراعظم عمران خان پر حملے کے بعد ان کی دو میڈیکل رپورٹوں میں واضح فرق بھی  سامنے آیا ہے۔

علاوہ ازیں گزشتہ روز پاکستان تحریک انصاف (پی ٹی آئی) کے چیئرمین عمران خان نے وزیرآباد حملے میں جاں بحق ہونے والے کارکن معظم گوندل کی والدہ اور بچوں سے ملاقات کی تھی ، انہوں  نے بچوں کی پرورش اور کفالت کیلئے ایک کروڑ روپے دیے۔

یا د رہے کہ 3 نومبر کو وزیر آباد میں عمران خان پر ہونے والے قاتلانہ حملے میں پی ٹی آئی چیئرمین سمیت 13 افراد زخمی جبکہ ایک شخص جاں بحق ہوا تھا۔

بعدازاں عمران خان کو کنٹینر سے گاڑی میں منتقل کرفوری طور پر اسپتال پہنچایا گیا تھا جہاں ان کی ٹانگ میں  لگی گولی کو بذریعہ آپریشن نکالا گیا تھا۔