لاہور:یوم اقبال کے موقع پر صدر مملکت ڈاکٹر عارف علوی نے حکیم الامت ڈاکٹر علامہ محمد اقبال کو خراج عقیدت پیش کیا ہے۔


شاعر مشرق علامہ اقبال کے یوم پیدائش 9 نومبر 2022 ء کے موقع پر پیغام میں انہوں نے کہا کہ آج ہم مشرق کے عظیم مفکرین، فلسفیوں اور شاعروں میں سے ایک ڈاکٹر علامہ محمد اقبال کو خراج عقیدت پیش کرتے ہیں، ان کے نظریات، اقدار اور نئی سوچ نے دنیا بھر کے ادیبوں اور فلسفیوں کی کئی نسلوں کو متاثر کیا۔
صدر نے کہا کہ اس دن ہم برصغیر کے مسلمانوں کیلئے ایک علیحدہ وطن ، جہاں وہ اپنی مذہبی، سماجی اور ثقافتی اقدار کے مطابق اور ہندو اکثریت کے خوف و ہراس کے بغیر اپنی زندگی گزار سکیں ،کا تصور دینے پر انہیں خراج عقیدت پیش کرتے ہیں ۔ یہ خواب بالآخر 14 اگست 1947 ء کو قائداعظم محمد علی جناح کی متحرک قیادت میں شرمندہ تعبیر ہوا۔
انہوں نے کہا کہ عظیم فلسفی اور شاعر نے اپنی شاعری، نثر اور تقاریر میں ہمیں مسلسل یہ پیغام دیا کہ تعلیم اور علم حاصل کریں اور اس علم کو زندگی کو سمجھنے، حقیقت کے ادراک اور روحانی تکمیل کے اعلیٰ مدارج کے حصول اور مسرت ، ترقی و خوشحالی کیلئے استعمال کریں۔
صدر مملکت نے کہا کہ علامہ اقبال نے ہمیں خود اعتمادی، محنت اور جدت فکر کے ساتھ زندگی کے ہر پہلو میں خود انحصاری حاصل کرنے کے لیے اپنی صلاحیتوں پر اپنے یقین کو مضبوط کرنے اور اپنی عزت ِنفس ، خودی ، وقار ، مذہبی ، سماجی اور ثقافتی اقدار پرسمجھوتہ کیے بغیر نئے حل تلاش کرنے اور زندگی میں اختراعات اور تخلیقی صلاحیتوں کو لانے کے لیے اپنی جدوجہد جاری رکھنے کی تعلیم دی۔
انہوں نے کہا کہ اقبال کو نوجوانوں سے بڑا پیار تھا۔ انہوں نے نوجوانوں کو عظمت حاصل کرنے، بہادر بننے اور ایک عقاب کی مانند عظیم اور نئے امکانات کی تلاش جاری رکھنے کا درس دیا۔ ان کی غزل ستاروں سےآگے کے مشہور اشعار نے نوجوانوں کی کئی نسلوں کو متاثر کیا اور یہ سلسلہ اب بھی جاری ہے۔
صدر مملکت نے کہا کہ علامہ اقبال کا خودی کا تصور ملک کو ترقی دینے اور قوموں کی برادری میں اپنا صحیح مقام حاصل کرنے کی ہماری جستجو میں ہمارے لیے مشعل راہ ہے ۔

پولیس افسران کی ترقیوں کے خلاف پنجاب حکومت کی اپیلیں خارج
- 11 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 days ago
پہلے ایل پی جی اوراب بجلی بم گرا دیا گیا
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 12 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 days ago

پیٹرول اور ڈیزل کی قیمتوں میں کمی کا اعلان
- 13 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 10 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 10 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 days ago



