فیصلہ میرٹ پر ہو گا اور الیکشن ہوں گے,شیخ رشید

ایک تعیناتی سب پر بھاری ہے۔نواز شریف نے جتنے لوگوں کو تعینات کیا ان سب سے پھڈا کیا۔ شیخ رشید نے سماجی رابطے کی ویب سائیٹ ٹویٹر پر کہا کہ نوازشریف،آصف زرداری اور فضل الرحمٰن کو مایوسی ہوگی،فیصلہ میرٹ پر ہو گا اور الیکشن ہوں گے،مارنے والے سے بچانے والا زیادہ طاقتور ہے۔ 

ارشد شریف کی والدہ کو پوسٹ مارٹم رپورٹ کیلئے سپریم کورٹ جانا پڑا،اس رپورٹ سے قوم کے دل دہل گئے ہیں۔ سربراہ عوامی مسلم لیگ کا کہنا تھا کہ لانگ مارچ کا تاریخی فیصلہ کن پڑاؤ راولپنڈی میں ہو گا،سعودی عرب کے مہمان اگر پاکستان آئے تو ہمیں بھی خوشی ہو گی،اسلام آباد 13 ربر سٹمپ پارٹیوں کا نہیں ہمارا بھی ہے۔ قبل ازیں شیخ رشید نے کہا کہ عمران کی راولپنڈی آنے کی تاخیراہم حکمت عملی کا حصہ ہے۔ 

ایف آئی آر نہ درج ہونے کا طعنہ دینے والوں کی اپنی سیاسی پتنگ کٹنے والی ہے،قوم سڑکوں پرہوگی اور یہ لندن میں نیا سال منا رہے ہوں گے۔ آصف زرداری نواز شریف کی خواہشیں دم توڑجائیں گی،مولانا فضل الرحمان قل پڑھائیں گے، وطن کیلئے کفن پہننے والے ادارے ملک بچائیں گے اور الیکشن کرائیں گے۔ سابق وزیر داخلہ کا کہنا تھا کہ راولپنڈی کے اجلاس اور لندن میں ہونے والی میٹنگ اہم فیصلوں کا فائنل راؤنڈ ہے،الیکشن سے لیکر سلیکشن تک سارے اہم فیصلے اسی مہینے راولپنڈی میں ہوں گے،نااہل غیر مقبول حکومت معاشی،سیاسی اور قومی سلامتی کیلئے خطرہ اور ٹوٹ پھوٹ کا شکار ہے۔ 

انہوں نے کہا کہ جتنا غیرملکی دوروں پرخرچ ہوا اُتنی امداد نہیں ملی،سپریم کورٹ آخری امید ہے،13 پارٹیاں الیکشن لڑنے کے قابل نہیں اور جھگڑنے کا بہانہ ڈھونڈ رہی ہیں۔

بے اختیار شہباز شریف جاتے شرم الشیخ ہیں اور حسب معمول نکلتے لندن میں ہیں،ایک تعیناتی سب پہ بھاری ہے،نواز شریف نے جتنےلوگوں کوتعینات کیا ان سب سے پھڈا کیا،نوازشریف،آصف زرداری اور فضل الرحمن کومایوسی ہوگی،فیصلہ میرٹ پر ہوگا اور الیکشن ہوں گے،مارنے والے سے بچانے والا زیادہ طاقتور ہے

— Sheikh Rashid Ahmed (@ShkhRasheed) November 10, 2022