جی این این سوشل

پاکستان

فیصل واوڈا کا ارشد شریف کے قتل سے متعلق نیا دعویٰ

اسلام آباد: پی ٹی آئی کے سابق رہنما فیصل واوڈا نے سینئر صحافی ارشد شریف کے قتل سے متعلق ایک اور دعویٰ کیا ہے۔

پر شائع ہوا

کی طرف سے

فیصل واوڈا کا ارشد شریف کے قتل سے متعلق نیا دعویٰ
جی این این میڈیا: نمائندہ تصویر

اسلام آباد میں میڈیا سے گفتگو کرتے ہوئے فیصل واوڈا نے کہا کہ ارشد شریف قتل کے شواہد ابھی پیش نہیں کیے، یہ تکلیف دہ معاملہ ہے،اس کیس میں گھٹیا قسم کا مذاق نہیں کرنا چاہیے۔

انہوں نے دعویٰ کیا کہ ارشد شریف کا سازشی قتل ہوا اور  قریب سے گولی ماری گئی، جب تک میں نے پریس کانفرنس نہیں کی تھی پاکستان سویا ہوا تھا۔

سابق وزیر کا کہنا تھا کہ ارشد شریف کا فون اور آئی پیڈ نہیں ملا، جو قتل میں ملوث ہیں وہ طاقتور، پلانر اور سمجھدار ہیں، مجرمان کو پکڑنا چاہیے جو پاکستان سے باآسانی نکل جاتے ہیں، ہمیں گولی چلانے والے نہیں بلکہ چلوانے والے تک پہنچنا چاہیے۔

انہوں نے مزید کہا کہ مارچ تک دھکیلنا عمران خان کو بند گلی تک لے جانا ہے اور عمران خان کو نااہل کرواکے وزیراعظم میں نے نہیں انہی لوگوں نے بننا ہے، عمران خان پارٹی کے اندر سے صفائی کریں، وہ میرے لیڈرتھے، ان سے کوئی رابطہ نہیں ہوا،جب بلائیں گے جاؤں گا۔

تجارت

وزیر تجارت و صنعت ڈاکٹر گوہر اعجاز اعلی سطح کے تجارتی وفد کے ہمراہ چین روانہ

متحدہ عرب امارات کے وزیر تجارت کی خصوصی دعوت پر عالمی تجارتی تنظیم کے وزارتی اجلاس میں وزیرتجارت آن لائن شرکت کریں گے

پر شائع ہوا

ویب ڈیسک

کی طرف سے

وزیر تجارت و صنعت ڈاکٹر گوہر اعجاز اعلی سطح کے تجارتی وفد کے ہمراہ چین روانہ

وزیر تجارت و صنعت ڈاکٹر گوہر اعجاز اعلی سطح کے تجارتی وفد کے ہمراہ چین روانہ ہوگئے ۔ وفد کے دورے میں شامل شعبوں میں زرعی، الیکٹرک وہیکلز، ماربل، سیمنٹ، فرٹیلائزر، فروٹ اینڈ ویجیٹیبل، گھریلو آلات، شیشہ، کیمیکل اور ٹیکسٹائل شامل ہیں۔

پاکستان کے کاروباری شعبے کی نمائندگی کرنے والا یہ وفد تجارت اور سرمایہ کاری اور مشترکہ منصوبوں کی تشکیل کے لیے چین میں اپنے ہم منصبوں سے ملاقاتیں کرے گا۔ سرکاری دورے کے موقع پر، وفد کے ارکان کے لیے بی ٹوبی ملاقاتوں کا اہتمام کیا گیا ہے۔

پاکستانی وفد کے بیجنگ میں چینی وزارت تجارت، مختلف مصنوعات کی ایسوسی ایشنز، چائنا چیمبر آف کامرس فار امپورٹ اینڈ ایکسپورٹ کے عہدیداروں کے ساتھ ملاقاتیں طے ہیں۔وفد کے اراکین سرکاری فوڈ پروسیسنگ ہولڈنگ کمپنی کوفکو کے سی ای او سے بھی ملاقات کریں گے۔ ویفانگ اسٹیل گروپ کا ایک وفد بھی وزیرتجارت سے ملاقات کرے گا۔ کمپنی ایگریٹیک، فوڈ پروسیسنگ، کھاد اور خوردنی تیل میں مہارت رکھتی ہے۔ وفد بیجنگ کے قریب ٹیکنالوجی کے بڑے مرکز زونگ گوان کون کا بھی دورہ کرے گا جسے چین کی سیلیکون ویلی بھی کہا جاتا ہے۔

وزیر چینگڈو سینچری انٹینڈنگ انویسٹمنٹ مینجمنٹ کی انتظامیہ سے ملاقات کرنے والے ہیں جو ایک جامع صنعتی سرمایہ کاری مینجمنٹ کارپوریشن ہے۔ سینٹینکو نے گوادر میں ایکسپورٹ پروسیسنگ زون کی ترقی میں دلچسپی ظاہر کی ہے۔ وزیر بزنس نیٹ ورکنگ ڈنر میں بھی شرکت کریں گے جس میں ایک سو سے زائد چینی کاروباری اداروں کی شرکت کا امکان ہے۔ متحدہ عرب امارات کے وزیر تجارت کی خصوصی دعوت پر عالمی تجارتی تنظیم کے وزارتی اجلاس میں وزیرتجارت آن لائن شرکت کریں گے.

پڑھنا جاری رکھیں

پاکستان

پاکستان ٹرانسپریسی انٹرنیشنل کا پاکستان میں کرپشن پر سروے جاری

عوامی رائے کے مطابق اینٹی کر پشن کے اداروں کا ہونا یا نا ہونا ایک برابر ہے

پر شائع ہوا

ویب ڈیسک

کی طرف سے

پاکستان ٹرانسپریسی انٹرنیشنل کا پاکستان میں کرپشن پر  سروے جاری

پاکستان ٹرانسپریسی انٹرنیشنل نے پاکستان میں کرپشن کے تاثر پر سالانہ سروے جاری کردیا ۔

سروے رپورٹ کے مطابق پاکستان میں سب سے زیادہ کرپشن پولیس کےمحکمے میں لی جاتی ہے ، سرکاری ٹھیکیداروں اور ٹینڈرنگ کا نام دوسر ے نمبر پر ہے ۔

کرپشن میں تیسرے نمبر پر جوڈیشری کا نام آتا ہے ، سندھ اور خیبرپختونخواہ پولیس پولیس میں کرپشن کے تاثر میں 37 فیصد تک کا اضافہ دیکھا گیا ہے ۔

عوامی رائے کے مطابق اینٹی کر پشن کے اداروں کا ہونا یا نا ہونا ایک برابر ہے ۔

پڑھنا جاری رکھیں

پاکستان

ہمارے دورمیں معاشرتی،سماجی کسی قسم کا کوئی مسئلہ نہیں تھا، نواز شریف

قوم ادراک کرے معاشی بے نظمی 2019 سے شروع ہوئی، سابق وزیر اعظم

پر شائع ہوا

ویب ڈیسک

کی طرف سے

ہمارے دورمیں معاشرتی،سماجی کسی قسم کا کوئی مسئلہ نہیں تھا، نواز شریف

لاہور: سابق وزیر اعظم و سربراہ مسلم لیگ (ن) نواز شریف نے لاہور میں پارٹی ٹکٹ کے امیدواروں کے اجلاس سے خطاب میں نواز شریف نے کہا کہ ہمارے دورمیں معاشرتی،سماجی کسی قسم کا کوئی مسئلہ نہیں تھا۔

قوم نے گزشتہ 4 برس میں مشکل دور دیکھا ہے، کچھ کرداروں نے چلتے پاکستان کو ٹھپ کرکے رکھ دیا۔

لاہور میں پارٹی کے ٹکٹ امیدواروں کے اجلاس سے خطاب کرتے ہوئے نواز شریف نے کہا کہ اجلاس کےتمام شرکا کا خیرمقدم کرتا ہوں، مجھے بڑی خوشی ہے کہ آپ سب لوگ ہماری دعوت پر تشریف لائے اور پارٹی ٹکٹ کے لیے درخواست دی۔

لاہور میں پارٹی ٹکٹ کے امیدواروں کے اجلاس سے خطاب میں نواز شریف نے کہا کہ ہم نظروں سے اوجھل لیکن دل کے بہت قریب رہے ہیں، اپنے کسی دوست اور ساتھی کو بھولا نہیں ہمیشہ یاد رکھا،  آج بھی دعا ہے کہ اللہ اس قوم کو مشکلات سے نکالے۔

انہوں نے کہا کہ قوم نے گزشتہ 4 برس میں مشکل دور دیکھا ہے، ہمارےدورمیں ترقی عروج پرتھی، ہمارے دورمیں معاشرتی،سماجی کسی قسم کا کوئی مسئلہ نہیں تھااور ملک میں اقتصادی ترقی ہورہی تھی، ہمارےدورمیں معاشی بہتری کا دنیا بھی اعتراف کررہی تھی۔

انہوں نے کہا کہ قوم ادراک کرے معاشی بے نظمی 2019 سے شروع ہوئی اور 2022 تک ملک میں ہرچیز کا بھٹابیٹھ گیا تھا۔

پڑھنا جاری رکھیں

ٹرینڈنگ

Take a poll