مساجد نمازوں اور تراویح کے لیے کھلی رہیں گی: طاہر اشرفی

وفاقی دارالحکومت میں پریس کانفرنس ہوئے معاون خصوصی طاہر اشرفی نے کہا کہ صدر کے ساتھ دو روز قبل کورونا وائرس کے حوالے سے اجلاس ہوا جس میں مختلف مسالک کے سکالرز نے شرکت کی، اجلاس میں طے ہوا کہ گزشتہ سال ایس او پیز کے تحت اس سال بھی مساجد کھکی رہیں گی۔ انہوں نے کہا کہ افواہیں ہیں کہ مساجد اور امام بارگاہیں بند ہوں گی۔ ایسا کچھ نہیں،کچھ لوگ صرف شر کے لیے ایسی افواہیں پھیلاتے ہیں،لوگوں سے اپیل ہے کہ گھر سے وضو کرکے آئیں۔ حکومت کسی مسجد کے ساتھ کوئی زبردستی نہیں کرے گی۔ ان کا کہنا تھا کہ نبی پاک (ص) گھر میں سنت ادا کیا کرتے تھے، شہری سنت اور نوافل گھر پر ادا کریں، عوام سے اپیل ہے کہ تیسری لہر شدید ہے تو اس سے زیادہ سے زیادہ بچا جائے،

مولانا طاہر اشرفی نے کہا کہ زخیرہ اندوزوں کے کیے نبی پاک (ص) نے بددعا کی ہے، اگر زخیرہ اندوز نہیں ائیں گے تو حکومت زخیرہ اندوزوں کے خلاف شدید ایکشن لے گی۔ تاجر تنظیموں کو آگے بڑھ کر اپنے نفع کو ادھا کر دینا چاہیے۔ان کا کہنا تھا کہ عمران خان کی حکومت میں مسجد اور مدرسے پہلے سے زیادہ مضبوط ہوئے ہیں، علماء کے ساتھ مل کر وقفی املاک ایکٹ کے معاملات کی بھی اصلاح کی جائے گی۔ 

معاون خصوصی کا مزید کہنا تھا کہ فحاشی کے بارے میں عمران خان کے بیان کو لوگوں نے غلط رنگ دیا ،اگر کوئی مرد بھی فحاشی پھیلاتا ہے تو وہ اتنا ہی گناہگار ہے جتنی عورت، آج کل سائیکل بھی بیچنی ہو تو عورت کو اشتہار میں دکھایا جاتا ہے۔