اگلے دس برس تک پاکستان کی صرف75 فیصد آبادی ویکیسن لگو اسکے گی : رپورٹ

تفصیلات کے مطابق  بلومبرگ کی ایک رپورٹ میں کہا گیا ہے کہ    امریکہ ، برطانیہ اور اسرائیل   کورونا ویکسی نیشن کے اہداف تین مہینوں میں 75 فیصد حاصل کرلیں گے  تاہم  پاکستان   میں جس  رفتار سے ویکسی نیشن لگانے کا عمل جاری ہے  یہ امکان ہے کہ  اگلے دس برس  تک صرف 75 فیصد آبادی کو ہی ویکسین لگ پائے گی ۔ یہ عرصہ52  برس سے زائد ہے،  ملک میں کورونا کی ویکسی نیشن کا عمل جاری ہے ، صوبہ پنجاب میں بھی کورونا ویکسین لگانے کا سلسلہ  سست روی کا شکار ہے ،  پنجاب میں کورونا ویکسی نیشن کا آغاز دو ماہ قبل 3فروری سے کیا گیاتھا جبکہ  محکمہ صحت کے اپنے فراہم کردہ اعدادو شمار کے مطابق صوبہ بھر میں اب تک 1لاکھ 24ہزار سے ہیلتھ کئیر ورکرزکو ویکسین لگائی گئی ہے ۔  پنجاب میں 11 کروڑکی آبادی میں  اب تک صرف 3لاکھ 47ہزار 561افراد کو ویکسین لگائی گئی ہے اور روزانہ کی بنیاد پر 5ہزار 7سو 92افراد کو ویکسین لگائی جا رہی ہے ۔

اگر اسی رفتار کو اوسط  تصور کیا جائے  تو اگلے پونے 53سالوں میں پنجاب کی کل آبادی کو ویکسین لگائی جا سکے گی ۔ صوبائی دارالحکومت  لاہور کے لئے یہ مدت 11 سال سے زائد بنتی ہے جس میں تمام آبادی کو ویکسین لگائی جا سکتی ہے۔  لاہور کی سوا کروڑ کی آبادی میں سے اب تک صرف 1لاکھ 77ہزار 3سو 69افراد کو ویکسین لگائی جاسکی ہے جبکہ  لاہور میں روزانہ 2900سے زائد شہریوں کو ویکسین لگا ئی جاچکی ہے ۔

بلومبرگ رپورٹ کے مطابق  پاکستان  کے علاوہ  یوکرین ، ایران اور بنگلہ دیش کو اپنی 75 فیصد آبادی کی ویکسی نیشن میں 10 سال لگیں گےجبکہ  فلپائن کو 5 سال تک کا عرصہ درکار ہوگا۔  رپورٹ میں کہا گیا ہے کہ بھارت 4 اور ارجنٹائن 3 سال میں اپنی آبادی کے 75 فیصد عوام کو کورونا ویکسین لگا سکیں گے ۔  ترکی ، برازیل ، جرمنی ، فرانس ، اسپین اور اٹلی کو ایک سال درکار ہوگا۔بلومبرگ رپورٹ کے مطابق   برطانیہ ، امریکہ ، اسرائیل اور چلی سمیت چند دیگر ممالک ایک سال سے بھی کم عرصے میں 75 فیصد آبادی کو کرونا ویکسین لگا سکیں گے۔

واضح رہے کہ حکومت    پاکستان نے 10 مارچ سے  60 سال سے زائد عمر کے افراد کیلئے کورونا ویکسینیشن  کا آغاز کیا گیا اور اس کے بعد 30 مارچ  سے  50 سال سے زائد عمر کے افراد کی ویکسی نیشن کا عمل جاری ہے  ۔ پاکستان میں جہاں حکومت کی جانب سے فرنٹ لائن ہیلتھ ورکرز یعنی طبی عملے اور 60 سال سے زائد عمر والے افراد کو کورونا سے بچاؤ کی مفت ویکسین لگانے کا سلسلہ جاری ہے وہیں نجی دوا ساز کمپنیوں کی جانب سے بھی فروخت کے لیے ویکسین درآمد کی جا رہی ہیں۔