عمران خان سے سینئر صحافیوں اور اینکرپرسنز کی ملاقات

تفصیلات کے مطابق آج چیئرمین پاکستان تحریک انصاف عمران خان سے سینئر صحافیوں اور اینکرپرسنز کی انکی رہائش گاہ پر ملاقات ہوئی۔

ترجمان وزیر اعلیٰ و حکومت پنجاب مسرت جمشید چیمہ بھی ملاقات میں موجود تھیں، ان کا کہنا تھا کہ چیئرمین عمران خان نے امپورٹڈ حکومت کی وجہ سے ملک کو ہونیوالے معاشی اور سیاسی نقصانات پر تبادلہ خیال کیا۔ عمران خان نے 26 نومبر کو تحریک انصاف کے لانگ مارچ کے لائحہ عمل پر گفتگو کی۔ عمران خان نے واضح کیا کہ میڈیا کی آزادی اور صحافیوں کی سکیورٹی یقینی بنانے کیلئے حکومت پر دباؤ مزید بڑھایا جائے گا۔ 

چیئرمین پی ٹی آئی عمران خان سے سینئر صحافیوں اور اینکرپرسنز کی انکی رہائش گاہ پر ملاقات ہوئی جس میں ترجمان وزیر اعلیٰ و حکومت پنجاب مسرت جمشید چیمہ بھی ملاقات میں موجود۔ تھیں ۔چیئرمین عمران خان نے امپورٹڈ حکومت کی وجہ سے ملک کو ہونیوالے معاشی اور سیاسی نقصانات پر تبادلہ خیال کیا۔ pic.twitter.com/qBNRNifK54

— Raja Sheroz Azhar (@shehrozazhar1) November 23, 2022

انہوں نے مزید کہا کہ رجیم چینج آپریشن کے بعد صحافیوں پر ریاستی جبر کیخلاف عمران خان آواز اٹھاتے رہیں گے۔اسحاق ڈار اور شہباز شریف کو عوام کے مسائل سے کوئی سروکار نہیں۔ باؤ جی اور اسحاق ڈار کا اپنا ہوم ٹاؤن لندن ہے۔عام آدمی اور غریب کسان نے اسی ملک میں رہنا ہے۔ 

مسرت جمشید نے واضح کیا کہ حقیقی آزادی کیلئے اس ملک میں عمران خان کی قیادت ناگزیر ہوچکی ہے۔