کاروباری ہفتے کے پہلے روز سونا ہزاروں روپے سستا، فی تولہ کتنے کا ہو گیا؟

کراچی:مسلسل کئی دنوں کے اضافے کے بعدعالمی و مقامی مارکیٹوں میں سونے کی فی تولہ قیمتوں میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز مقامی مارکیٹوں میں فی تولہ سونے کی قیمت میں 6500 روپے کی کمی ریکارڈ کی گئی ہے جس کے بعد سونے کی نئی قیمت کم ہو کر 533362 روپے کی سطح پر آگئی ہے۔

ایسوسی ایشن کے مطابق اسی طرح 10 گرام سونے کے بھائو 5573 روپے کی کمی سے 457271 روپے ہوگئے۔ 

علاوہ ازاں آج پاکستان میں چاندی کی فی تولہ قیمت 37 روپے کم ہوکر 8894 روپے ہوگئی۔

 دوسری جانب عالمی بلین مارکیٹ میں فی اونس سونا 65 ڈالر سستا ہوکر 5106 ڈالر پر آ گیا۔