اسٹیٹ بینک نے مانیٹری پالیسی کا اعلان کر دیا، شرح سود 10.5 فیصد پر برقرار رکھنے کا فیصلہ

کراچی:اسٹیٹ بینک آف پاکستان نے مانیٹری پالیسی کا اعلان کر دیا۔ شرح سود 10.5 فیصد پر برقرار رکھنے کا فیصلہ کیا گیا ہے۔

گورنر سٹیٹ بینک نے نئی زری پالیسی کا اعلان پالیسی کمیٹی سے مشاورت کے بعد کیا، تین ماہ کے لیے شرح میں کوئی تبدیلی نہیں کی گئی، شرح سود 10.5 فیصد پر برقرار رہے گی۔

ترجمان اسٹیٹ بینک کے مطابق مانیٹری پالیسی آئندہ دو ماہ کے لیے جاری کی گئی ہے۔ موجودہ معاشی صورتحال اور مہنگائی کے رجحان کو مدنظر رکھتے ہوئے پالیسی ریٹ میں فی الحال کوئی تبدیلی نہ کرنے کا فیصلہ کیا گیا۔

مرکزی بینک کے مطابق مہنگائی، معاشی سرگرمیوں اور بیرونی کھاتوں کی صورتحال کا جائزہ لینے کے بعد آئندہ مانیٹری پالیسی میں مزید فیصلے کیے جائیں گے۔

قبل ازیں ایک سروے رپورٹ کے مطابق 60 فیصد بزنس کمیونٹی نے مانیٹری پالیسی کو برقرار رکھنے کی پیشگوئی کی تھی،سروے کے مطابق 24 فیصد تاجر برادری کی رائے میں شرح سود میں اضافہ ہونا تھا جبکہ 10 فیصد نے کمی کی رائے دی تھی۔

دوسری جانب معاشی ماہرین کا کہنا ہے کہ شرح سود برقرار رہنے سے کاروباری قرضوں اور بینکاری شعبے کی شرحوں میں فوری بڑی تبدیلی کا امکان نہیں۔