خواتین کے خلاف کسی بھی شکل میں تشدد انسانی حقوق اور وقار کی خلاف ورزی ہے:  وزیراعظم 

تفصیلات کے مطابق خواتین پر تشدد کے خاتمہ کے عالمی دن کے موقع پر اپنے ٹویٹ میں وزیراعظم  محمد شہباز شریف  نے کہا کہ خواتین کے خلاف کسی بھی شکل میں تشدد انسانی حقوق اور وقار کی خلاف ورزی ہے، کوئی بھی معاشرہ اس وقت تک مہذب اور جمہوری نہیں ہو سکتا جب تک وہ خواتین پر تشدد کے منفی طرز عمل کو رد نہیں کرتا۔ 

وزیراعظم نے کہا کہ ہم سب عہد کریں کہ خواتین پر تشدد کے رواج کو ختم کرنے کے لئے اپنا کردار ادا کریں گے۔ 

Violence against women in any form is a violation of human rights & dignity. A society can't claim to be civilized leave alone being democratic if it condones violence under any pretext. On this Day today, let us all pledge to play our part to put an end to such practices.

— Shehbaz Sharif (@CMShehbaz) November 25, 2022

آج (جمعہ) دنیا بھر میں خواتین کے خلاف تشدد کے خاتمے کا دن منایا جا رہا ہے ۔ اس سال اس دن کا موضوع  ''خواتین اور بچیوں کے خلاف تشدد کے خاتمے کی تحریک کیلئے اتحاد'' ہے ۔