ہم نہ ڈریں گے، نہ جھکیں گے اور نہ بکیں گے :ترجمان پنجاب حکومت مسرت جمشید چیمہ

تفصیلات کے مطابق مسرت جمشید چیمہ کا  کہا  ہے کہ چیئرمین پاکستان تحریک انصاف عمران خان کی قیادت میں حقیقی آزادی مارچ کے فائنل مرحلے کا آغاز ہوچکا ہے۔ کل سے ہی گلگت بلتستان، آزاد کشمیر اور دیگر صوبوں سے قافلوں کی صورت میں پاکستانی راولپنڈی کا رخ کر رہے ہیں۔آج لاہور ، ساہیوال اور جنوبی پنجاب سے بھی قافلے اپنے سفر کا آغاز کریں گے۔

ترجمان پنجاب حکومت  کا کہنا تھا کہ لاہور سے بڑے قافلے کی روانگی کل صبح 7 بجے ہوگی۔انشاءاللہ اس تحریک میں ہم خواتین اپنے لیڈر عمران خان کے شانہ بشانہ ہراول دستے کا کردار ادا کرنے کیلئے تیار ہیں۔

انہوں نے اپنے ویڈیو پیغام میں کہا کہ میں قوم کو بتانا چاہتی ہوں کہ ہمارے لیڈر پر گولیوں سے حملے کیے گئے۔پارٹی قیادت سمیت تمام کارکن اپنے لیڈر عمران خان کی آواز پر لبیک کہتے ہوئے میدان عمل میں آچکی ہے۔اب ہماری منزل ہمارے لیڈر کا اشارہ ہے۔

مسرت جمشید چیمہ  نے مزید بتایا کہ راولپنڈی فیض آباد میں عوام کا جم غفیر اپنے لیڈر کا شاندار استقبال کرے گا۔

انہوں نے کہا کہ مورخ لکھ لو! یہ پاکستان کی تاریخ کا بے مثال پرامن سیاسی اکٹھ ہوگا۔ اس جعلی، امپورٹڈ اور ظلم کی حکومت کے جانے کا وقت آچکا ہے۔ہمارا مطالبہ الیکشن کی تاریخ اور پھر شفاف انتخابات کا انعقاد ہے۔ ہم نہ ڈریں گے، نہ جھکیں گے اور نہ بکیں گے۔