پاکستان اورچین کے درمیان باہمی تعلقات تمام ادوارمیں مثالی رہے ہیں : وزیراعظم

تفصیلات کے مطابق وزیراعظم نے  اسلام آباد میں  چائنہ کنسٹرکشن تھرڈ انجینئرنگ بیورو کے ایک وفدسے   نائب چیئرمین TAN GUOFU کی قیادت میں ملاقات کی۔

وزیر اعظم نے وفد کا استقبال کیا اور چین کے گزشتہ دورے کے دوران TAN GUOFU کے ساتھ اپنی ملاقات کا ذکر کیا۔

وزیر اعظم نے پاکستان میں بنیادی ڈھانچے اور توانائی کے شعبوں میں مزید سرمایہ کاری کرنے کے حوالے سے کمپنی کے نائب چیئرمین TAN GUOFU کے عزم کو سراہا۔

وزیر اعظم نے چائنہ کنسٹرکشن تھرڈ انجینئرنگ بیورو کو پاکستان میں قابل تجدید توانائی خصوصاً شمسی توانائی کے منصوبوں میں بہت زیادہ سرمایہ کاری کرنے کی دعوت دی۔

وزیر اعظم نے متاثرین سیلاب کی مدد کیلئے مختلف اشیاء عطیہ کرنے پر کمپنی کا شکریہ ادا کیا۔