وزیر اعظم شہباز شریف اور وزیر اعظم آزاد کشمیر میں تکرار

وزیر اعظم شہباز شریف اور وزیر اعظم آزاد کشمیر میں تکرار ہو گئی،وزیر اعظم شہباز شریف کے خطاب کے دوران وزیر اعظم آزاد کشمیر نے بات کرنے کی کوشش جس پر شہباز شریف نے سردار تنویر الیاس کو بات کرنے سے روک دیا۔

میڈیا رپورٹس کے مطابق منگلا پن بجلی کے یونٹ 5 اور6 کی ریفریشمنٹ منصوبے کی افتتاحی تقریب کے موقع پر دونوں وزرائے اعظم کے درمیان تکرار ہوئی،

وزیراعظم شہباز شریف کی تقریر کے دوران وزیراعظم آزاد کشمیر نے بولنے کی کوشش کی،شہباز شریف نے جواب دیا کہ آپ کی بات سنتے ہیں آپ تشریف رکھیں۔ 

وزیر اعظم شہباز شریف کے دوبارہ خطاب کی کوشش پر سردار تنویر الیاس پھر بول پڑے،شہباز شریف بار بار خطاب میں مداخلت پر نالاں ہو گئے۔

 دوسری جانب وزیر اعظم آزاد کشمیر سردار تنویر الیاس نے بھی ناراضی کا اظہار کرتے ہوئے کہا کہ شہباز شریف کا میرے ساتھ ہتک آمیز رویہ با قابل برداشت ہے۔شہباز شریف ہماری تاریخ سے واقف نہیں ہیں۔ 

قبل وزیرا عظم شہباز شریف نے تقریب سے خطاب میں کہا کہ تعمیر و ترقی دھرنوں اور نعروں سے نہیں ہوتی،ہمیں اختلافات اور ذات سے بالا تر ہو کر آگے بڑھنا چاہیے۔

جب تک سیاسی استحکام نہیں آتا ہم آگے نہیں بڑھ سکتے۔ رونے دھونے اور تماشہ لگانے سے کچھ نہیں ہو گا،ہمیں محنت کرنا ہو گا۔

قول و فعل میں تضاد کے عمل کو ختم کرنے کر کے ہمیں ملک کیلئے آگے آنا ہو گا۔پاکستان مشکل ترین حالات سے گزر رہا ہے،ہمیں اربوں کی گندم درآمد کرنا پڑ رہی ہے۔

ہم خیرات کا مطالبہ نہیں کر رہے ہیں بلکہ ہمیں موسمیاتی تبدیلی کے معاملے پر دنیا سے انصاف چاہیے۔ وزیرا عظم کا کہنا تھا کہ جنگ کے باعث تیل کی قیمتیں آسمان سے باتیں کر رہی ہیں۔