شمالی وزیرستان میں سکیورٹی فورسز نے 5 دہشتگرد ہلاک کردیے

شمالی وزیرستان میں سکیورٹی فورسز نے 5 دہشتگرد ہلاک کردیے، ہلاک دہشتگردوں سے اسلحہ اور گولہ بارود برآمد ہوا ہے، فائرنگ کے تبادلے میں پاک فوج کے ایک جوان نے بھی جام شہادت نوش کیا۔ 

پاک فوج کے شعبہ تعلقات عامہ آئی ایس پی آر کے مطابق شمالی وزیرستان کے علاقے جھلرا لگاد میں سکیورٹی فورسز کا آپریشن ، آپریشن کے دوران سکیورٹی فورسز اور دہشتگردوں کے درمیان شدید فائرنگ کا تبادلہ ہوا ، فائرنگ میں تبالے میں سکیورٹی فورسز نے پانچ دہشتگرد ہلاک کردیئے۔

ہلاک دہشتگردوں سے بھاری مقدار میں اسلحہ اور گولہ بارود برآمد ہوا ہے۔ مارے گئے دہشتگرد سکیورٹی فورسز اور شہریوں پر حملوں میں ملوث تھے۔ فائرنگ کے تبادلے میں 25 سالہ سپاہی ناصر خان نے جام شہادت نوش کیا، شہید سپاہی کا تعلق کا جنوبی وزیرستان سے ہے۔