فٹ بال ورلڈ کپ : آج آخری دو پری کوارٹر فائنلزکھیلے جائیں گے

تفصیلات کے مطابق فٹ بال ورلڈ کپ میں آج آخری دو پری کوارٹر فائنلز کھیلے جائیں گے،2010 کی چیمپئن ٹیم  اسپین کا مقابلہ مراکش سے جبکہ پُرتگال کی ٹیم سوئٹزر لینڈ سے ٹکرائے گی ۔

میگا ایونٹ کے راؤنڈ آف سکسٹین کا آج آخری روز ہے ، جس میں پہلا میچ اسپین اور مراکش کے مابین ہوگا ، گروپ میچز میں اسپین کی ٹیم نے تین میں سے ایک جیتا ، ایک ہار ااور ڈرا کیا، مجموعی طور پر چار پوائنٹس کے ساتھ وہ ناک آؤٹ مرحلے میں آئی ہے۔

دوسری جانب گروپ میچز میں مراکش کی ٹیم ناقابل شکست رہی، اُس نے تین میں سے دو میچ جیتے جبکہ ایک ڈرا کیا اور اپنے گروپ ایف میں سات پوائنٹس کے ساتھ ٹاپ پوزیشن لی۔

راؤنڈ آف سکسٹین کا آخری میچ رات بارہ بجے پرتگال اور سوئٹزر لینڈ کے درمیان ہوگا، پرتگال گروپ ایچ میں چھ پوائنٹس کے ساتھ ٹاپ پوزیشن کے ذریعے اس مرحلے میں داخل ہوئی ہے، ٹیم نے دو میچ جیتے جبکہ ایک میں اُسے شکست ہوئی ، گروپ ایف کی نمبر ٹو ٹیم سوئٹزر لینڈ نے بھی چھ پوائنٹس کے ساتھ ناک آؤٹ مرحلے میں جگہ بنائی۔