ہمسایہ ملک بھارت سے ہندو یاتری سنجیو کمار کی سربراہی میں” کٹاس راج یاترا “ کے لئے پاکستان پہنچ گئے

ہندو یاتریوں کو امیگریشن اور کسٹمز کی ضروریات سے فراغت کے بعد سخت سیکورٹی حصار میں گورودوارہ شری ڈیرہ صاحب لاہور لے جایا جائے گس

مہتمم گورودوارہ شری ڈیرہ صاحب کی جانب سے  ہندو یاتریوں کو رہائش گاہیں الاٹ کی جائیں گی۔ ہندو یاتری آج شب لاہور میں قیام کے بعد کل بدھ کی صبح سویرے خصوصی بسوں کے ذریعے کٹار راج روانہ ہوں گے ۔

 22دسمبر کو کٹاس راج میں ”شیو راتری پوجا/کارتک پوجا اور پوتر اشنان کی مرکزی تقریب منعقد ہو گی۔ مرکزی تقریب میں بھارتی ہندو یاتریوں کے علاوہ پاکستان میں بسنے والے ہندو مذہب کے پیروکار بھی شریک ہوں گے۔

رات کتاس راج میں قیام کے بعد 23دسمبر کو ہندو یاتری واپس لاہور آئیں گے۔ بھارتی ہندو یاتری24 دسمبر کو شاہی قلعہ لاہور میں شری لو کی سمادھی پر حاضری کے علاوہ کرشنا مندر لاہور کا دورہ کریں گے اور لاہور کے تاریخی مقامات کی سیر کریں گے۔
ہمسایہ ملک سے آنے والے بھارتی ہندو یاتری25 دسمبر کو واہگہ چیک پوسٹ راستے ہی واپس چلے جائیں گے۔