بلاک بسٹربالی وڈ فلم ’تھری ایڈیٹس‘ کے نامور اداکارانتقال کر گئے

ممبئی : بالی ووڈ کی مشہور ترین فلم تھری ایڈیٹس (3 Idiots) کے معروف اداکار اچیوٹ پوتدار ا91برس کی عمر میں ممبئی میںانتقال کر گئے۔

بھارتی میٖڈیا رپورٹ کے مطابق ان کے انتقال کی وجہ ابھی تصدیق شدہ طور پر پیش نہیں کی گئی، البتہ رپورٹس میں عمر سے متعلق پیچیدگیوں کا ذکر ہے۔ 

انہوں نے عامر خان کی بلاک بسٹر فلم ’تھری ایڈیٹس‘ میں ان کی اداکاری خاص طور پر یادگار رہی، جس میں ایک پروفیسر کے کردار میں انہوں نے آئیکونک جملہ "کہنا کیا چاہتے ہو؟" ادا کیا، جو کافی مقبول ہوا اور میمز میں بدل گیا۔  

خیال رہےپوتدار نے 44 سال کی عمر میں شوبز میں قدم رکھا اور تقریباً 125 فلموں میں کام کیا، علاوہ ازیں 100 سے زائد ٹی وی سیریلوں میں نمایاں رہے۔

اپنے شوبز کیریئر سے پہلے پوتدار نے انڈین آرمی میں بطور کیپٹن خدمات انجام دیں، بعد ازاں Indian Oil میں تقریباً 25 سال ملازم رہے اور ریوہ (MP) میں پروفیسر بھی رہے۔ 

ان کے انتقال کی خبر سے ساتھی فنکاروں اور مداحوں میں غم کی لہر دوڑ گئی ہے۔ انہیں ایک عاجز، محنتی اور مخلص فنکار کے طور پر یاد کیا جا رہا ہے، جنہوں نے اپنے نرم لیکن مؤثر انداز سے فلمی دنیا پر ایک دیرپا اثر چھوڑا۔

میڈیا رپورٹس کے مطابق ان کی آخری رسومات 19 اگست 2025 کو ٹھانے میں ادا کی جائیں گی۔