وزیراعظم کی وزیراعلیٰ سندھ کو فون کرکے ہر ممکن معاونت کی پیش کش

وزیراعظم نے جنوبی سندھ خاص طور پر کراچی میں شدید بارشوں کے بعد کی صورتحال پر وزیراعلیٰ سندھ سے ٹیلیفونک رابطہ کیا۔

انہوں نے وفاقی حکومت کی جانب سے حکومت سندھ کو ہر قسم کی معاونت فراہم کرنے کی پیش کش کی اور کہا کہ وفاقی حکومت ہنگامی صورتحال سے نمٹنے کے لیے حکومت سندھ کی مکمل مدد کرے گی۔

وزیراعظم نے چیئرمین این ڈی ایم اے کو ہدایت کی کہ وہ سندھ حکومت کے ساتھ مسلسل رابطے میں رہیں اور ہنگامی صورتحال میں مکمل تعاون فراہم کریں۔

انہوں نے مزید کہا کہ چیئرمین این ڈی ایم اے جنوبی سندھ میں متوقع بارشوں کے بارے میں مکمل آگاہی فراہم کریں۔