1667 خالی آسامیوں پر بھرتی کے لئے پاکستان بھر سے 30ہزار سے زائد مرد و خواتین امیدوار پہنچ گئے

وفاقی دارالحکومت اسلام آباد کیپیٹل پولیس میں 1667 خالی آسامیوں پر بھرتی کے لئے آج پاکستان بھر سے 30ہزار سے زائد مرد و خواتین امیدوار پہنچ گئے ہیں۔ 

اہلیت جانچنے کے لیے تحریری امتحان اسلام آباد کے اسٹیڈیم میں منعقد کیا جارہا ہے۔ 

اس سلسلے میں اسلام آباد پولیس نے اپنے ٹوئٹر اکاؤنٹ پر اسٹیڈیم کی ویڈیوز اور تصاویر جاری کی ہیں جس میں اسٹیڈیم کو امیدواروں سے کھچا کھچ بھرا ہوا دیکھا جا سکتا ہے۔ 

ترجمان اسلام آباد پولیس کے مطابق سی پی او ہیڈ کوارٹرز، سی پی او سکیورٹی، سی پی او سیف سٹی، سی پی او ٹریننگ و لاء اینڈ آرڈر، سی پی او آپریشنز نے اس بھرتی کے تمام عمل میں اہم کردار ادا کیا۔ 

امتحانات کے تمام مراحل کے لئے سکیورٹی کے فول پروف انتظامات کئے گئے۔ 

واضح رہے کہ اس امتحان میں اہل قرار پانے والے امیدواروں کو سلیکشن کے اگلے مراحل سے گزرنا ہو گا