این سی او سی نے بیساکھی میلے کیلئے گائیڈ لائنز جاری کر دیں

تفصیلات کے مطابق این سی او سی اجلاس میں آج  بیساکھی میلے کیلئے گائیڈ لائنز جاری کر دی گئی ہیں جس کے مطابق  برطانیہ،برازیل ،ساؤتھ افریقہ ،کولمبیا،پرتگال سے پاکستان آنے پر پابندی عائد  ہوگی ،پیرو بوسٹوانا، آئرلینڈ، کینیا، موزمبیق سے بھی آنے کی اجازت نہیں۔

190ممالک کے شہری پی سی آر ٹیسٹ منفی دکھا کر پاکستان آ سکیں گے۔جس میں بھارت،افغانستان،آذربائجان، ارجنٹائن،بحرین،بنگلہ دیش،بلغاریہ، فرانس، یونان، گرین لینڈ، ایران،عراق شامل ہیں جبکہ اٹلی،کویت، مالدیپ،نیپال، میسیکو،اومان سنگاپور،سوئٹزرلینڈ، ترکی، امریکا والوں کیلئے ٹیسٹ لازم ہو گا ۔ پی سی آر ٹیسٹ منفی اور 96 گھنٹے سے پرانا نہ ہو۔

میلے کے دوران ایک علاقے کے لوگ ایک ساتھ رہیں۔بچے اور 65 سال سے زائد عمر کے افراد نہیں آ سکتے۔

این سی او سی کے مطابق اجتماعی لنگر سے اجتناب کر کے پہلے سے پیک کھانا استعمال کیا جائے، میلے کے دوران سماجی فاصلے کا خاص خیال رکھا جائے اور ہاتھ ملانا اور گلے ملنے سے پرہیز کریں۔