آر او صاحب پر پی ٹی آئی کے تحفظات آج بھی ویسے ہی ہیں ، فردوس عاشق اعوان

وزیراعلی پنجاب کی معاون خصوصی برائے اطلاعات ڈاکٹر فردوس عاشق اعوان نے ڈسکہ میں میڈیا کے نمائندوں سے گفتگو کرتے ہوئے کہا کہ  میڈیا کے نمائندوں نے ڈسکہ میں ضمنی انتخاب کے الیکشن کی بھرپور کوریج کی ہے، وزیر اعظم پاکستان کی ہدایت پر آزاد شفاف اور منصفانہ انتخابات کا انعقاد یقینی بنایا گیا،  وزیراعظم پاکستان کی طرف سے ہدایات پر انتخابی امیدواروں کو کسی مداخلت کے بغیر مقابلے کا کھلا میدان دیا گیا۔

 ڈاکٹر فردوس عاشق اعوان نے کہا کہ  الیکشن  کو شفاف بنانے کے لیے الیکشن کمیشن کی ہدایات پر پوری طرح عمل کیا جاتا رہا ہے، ن لیگ نے کبھی بھی پرامن انتخابات کو تسلیم نہیں کیا، ن لیگ کی نظریاتی سوچ اور تربیت  صرف جیت پر جشن منانا ہے،  ڈسکہ کے ضمنی انتخاب میں ہمارا مقابلہ گدی نشینی کی سیاست سے تھا ، آج بھی بریف کیس اٹھا کر پھر نے  والے  کے نواسے نے لوگوں کا ضمیر خریدنے کی کوشش کی۔

معاون خصوصی فردوس عاشق اعوان نے کہا کہ  صوبائی حکومت نے الیکشن کمیشن کی ہدایات پر منصفانہ شفاف اور آزادانہ ماحول میں الیکشن منعقد کرایا ہے، ن لیگ کے درجنوں ایم پی اے پولیس اسٹیشن پر دندناتے پھرتے رہے ، انہوں نے الیکشن کمیشن کے قواعد و ضوابط ہوا میں اڑا دیئے ، اقتدار کے باوجود پاکستان تحریک انصاف میں انتخابی عمل میں کوئی ووٹ نہیں ڈالی۔

 ڈاکٹر فردوس عاشق اعوان کا کہنا تھا کہ  ڈی جی پی آر  لاہور میں ہونے والی کانفرنس کانوٹس مجھے ملا،  آر او صاحب پر پاکستان تحریک انصاف کے تحفظات آج بھی ویسے ہی ہیں،  الیکشن کمیشن سے انصاف چاہتے ہیں۔