پنجاب اسمبلی تحلیل کیے جانے کے اعلان پر ہاشم ڈوگر کا دلچسپ ٹویٹ

 گذشتہ روز پاکستان تحریک انصاف نے پنجاب اسمبلی تحلیل کرنے کا اعلان کر دیا۔ گورنر پنجاب بلیغ الرحمان نے وزیراعلیٰ پنجاب چوہدری پرویز الہٰی کی جانب سے صوبائی اسمبلی تحلیل کرنے کی سمری موصول ہونے کی تصدیق کرتے ہوئے ٹوئٹرپر وزیراعلی کی جانب سے ارسال کردہ سمری کا عکس شیئرکرتے ہوئے اس کے موصول ہونے کی باضابط تصدیق کردی ہے‘آئین کے مطابق اگر گورنر48 گھنٹوں سے پہلے اسمبلی تحلیل نہیں کرتے تو اسمبلی خود بخود 48 گھنٹوں میں تحلیل ہوجائے گی.پنجاب اسمبلی تحلیل کیے جانے کے اعلان پر صوبائی وزیر آبپاشی کرنل (ر) ہاشم ڈوگر نے سماجی رابطے کی ویب سائٹ ٹویٹر پر انتہائی ا دلچسپ ٹویٹ کیا۔ 

ہاشم ڈوگر نے کہا کہ میں اور حنا پرویز بٹ دونوں ہی ممبر صوبائی اسمبلی نہیں رہے۔

میں اور حنا پرویز بٹ دونوں ہی ممبر صوبای اسمبلی نہیں رہے

— Hashim Dogar| Irrigation Minister Punjab (@ColhashimDogar) January 12, 2023

خیال رہے کہ وزیراعلیٰ پرویز الہٰی کی جانب سے گورنر پنجاب کو جاری مختصر ایڈوائس میں کہا گیا کہ ”میں پرویز الہٰی، وزیراعلیٰ پنجاب آپ کو ایڈوائس کر رہا ہوں کہ پنجاب کی صوبائی اسمبلی تحلیل کردیں“ چوہدری پرویز الہٰی کے صاحبزادے مونس الہٰی نے سابق وزیراعظم عمران خان کو مخاطب کرکے ٹوئٹ میں کہا کہ وعدہ پورا کیا گیا ہم آپ کو جلد وزیراعظم کی کرسی پر دیکھ سکیں انہوں نے بھی اسمبلی تحلیل کرنے کی ایڈوائس کا عکس اپنے ٹوئٹ میں شیئرکیا ہے. وزیراعلیٰ پنجاب کی جانب سے صوبائی اسمبلی تحلیل کرنے کی ایڈوائس ایوان کی جانب سے ان کو اعتماد کا ووٹ دیے جانے کے بعد جاری کی گئی ہے اور ایڈوائس پر دستخط کرنے سے قبل انہوں نے زمان پارک میں تحریک انصاف کے چیئرمین عمران خان سے بھی ملاقات کی تھی ‘معتبر ذرائع کا کہنا ہے کہ جمعرات کے روزوزیراعلی چوہدری پرویزالہی نے عمران خان سے تین ملاقاتیں کی ہیں.