سب سے بڑی کامیابی ملک کو پراجیکٹ عمران سے پاک کرنا ہے، مریم اورنگزیب

مریم اورنگزیب نے اپنے ٹوئٹ میں لکھا کہ اتحادی حکومت کی سب سے بڑی کامیابی ملک کو پراجیکٹ عمران سے پاک کرنا ہے، ملک کو سب سے بڑے فارن ایجنٹ فتنے اور مافیا سے نجات دلائی ہمیشہ ملک اور معیشت کو مشکلات سے نکالا ہے۔

انہوں نے کہا کہ عمران پراجیکٹ نے ملک کو معاشی دیوالیہ کی طرف دھکیلا تھا۔ انہوں نے بیان میں کہا کہ آج ملک میں مہنگائی، معاشی تباہی اور سیاسی عدم استحکام عمران پراجیکٹ کی وجہ سے ہے،

پاکستان مسلم لیگ (ن) 2018 میں ملک کو تاریخی معاشی استحکام اور عوام کو سستی روٹی ، چینی آٹا، بجلی، گیس اور پٹرول دے کر گئی تھی، پاکستان مسلم لیگ (ن) 2018 میں نوجوانوں کو روزگار، ملک کو ترقی ، سی پیک اور 14000 میگاواٹ بجلی دے کر گئی تھی۔

دہشت گردی سے پاک پاکستان دے کر گئی تھی، ملک کو تاریخی 6.2 فیصد ترقی اور آئی ایم ایف کا پروگرام مکمل کر کے دے کر گئی تھی،

چار سال میں عمران پراجیکٹ نے ملک کا معاشی دیوالیہ نکالا اور نوجوان کو بے روزگار کیا، چار سال میں ملک کو دہشت گردی دی اور ترقی روک دی۔

عمران پراجیکٹ نے چار سال عوام کو غربت ، مہنگائی کی چکی میں پیسا، آٹا، چینی دالیں اور تیل مہنگا کیا، آج ملک میں روٹی مہنگی ہے تو عمران پراجیکٹ کی وجہ سے آج سخت شرائط والا آئی ایم ایف کا پرگرام عمران پراجیکٹ کا عوام کو دیا تحفہ ہے،

چار سال عمران فارن فنڈد پراجیکٹ نے ملک کی خارجہ تعلقات کو تباہ کر کے عالمی سطح پہ تنہا کیا، آج ملک میں مہنگی بجلی اور گیس عمران پراجیکٹ کی وجہ سے ہے۔

چار سال تباہی مچا کر مہنگائی کا طوفان لا کر آج الیکشن، الیکشن کی رٹ لگا کر کیا ہوگا، عمران خان ، 2018 میں ملک پہ مسلط ہونے والے الیکشن کی بات کر سکتے ہیں الیکشن نہیں لڑ سکتے۔