رات دس بجے کے بعدکاروبار کرنے والی مارکیٹوں کو دو لاکھ روپے جرمانہ کرنے کا حکم

سماعت کے دوران عدالت نے ایل ڈی اے اور لاہور پارکنگ کمپنی پر بھی ناراضگی کا اظہار کیا۔

لاہور ہائی کورٹ میں جمعہ 20 جنوری اسموگ کے تدارک سمیت دیگر کی درخواستوں پر سماعت۔ درخواست پر سماعت جسٹس شاہد کریم نے کی۔

سماعت کے دوران عدالت کی جانب سے اسموگ کے تدارک کیلئے موثر اقدامات نہ کرنے کی نشاندہی کی گئی۔

اس موقع پر سیکریٹری جنرل لاہور سپر مارکیٹ محمد عمران سلیم عدالت میں پیش ہوئے اور استدعا کی کہ ہمیشہ کیلئے رات دس بجے مارکیٹیں بند کرنے کا حکم دیا جائے، سب دکانداروں کا اس پر اتفاق ہے اور اب زندگی میں سکون آیا ہے۔

عالت نے باور کرایا یہ الفاظ سن خوشی ہوئی، ہمیں اپنا لائف اسٹائل تبدیل کرنا ہوگا۔

عدالت نے استدعا منظور کرتے ہوئے رات دس بجے کے بعد کاروبار کرنے والی مارکیٹوں کو دو لاکھ روپے جرمانہ کرنے کا حکم دے دیا، جب کہ سی سی پی او لاہور ڈپٹی کمشنر کو فوری احکامات پر عمل درآمد کرانے کی بھی ہدایت کردی۔

عدالتی حکم میں رات دس بجے کے بعد لاہور میں شادی کی تقریبات روکنے کا بھی عندیہ دیا۔