ملک میں بجلی کا نظام بحال ہوچکا ہے، خرم دستگیر کا دعویٰ

اسلام آباد: وزیر توانائی خرم دستگیرنے اپنی پریس کانفرنس میں کہا ہے کہ ملک میں بجلی کا نظام مکمل طور پر بحال ہوچکا ہے۔
 
تفصیلات کے مطابق وفاقی وزیر خرم دستگیر نے گذشتہ روز ہونے والے بجلی کے بریک ڈاؤن بارے میڈیا سے گفتگو میں کہا کہملک میں بجلی کا ترسیلی نظام مکمل طور پر محفوظ ہے ، بجلی کے کارخانوں کو چلانے کیلئے وافر ایندھن دستیاب ہے، دستیاب ایندھن کا استعمال کرکے ہی بجلی کا نظام بحال کیا۔

نیشنل گرڈ کے تمام 1112 گرڈاسٹیشنز بحال ہوچکے ہیں۔تقریبا 6600 MW کوئلے اور3500 MW کے نیوکلیئر پاور پلانٹس ایمرجنسی شٹ ڈاؤن کے بعد 48 سے 72 گھنٹے دوبارہ سسٹم سے لنک ہونے میں لگاتے ہیں۔ہو سکتا ہے تب تک 2 سے 4 گھنٹے لوڈمینیجمنٹ کرنی پڑے۔ دو دن میں زیرو ہو جائیگی انشاءاللہ pic.twitter.com/i17Gvu09oW

— QESCO Official (@QESCO_Offical) January 24, 2023

وزیر توانائی نے اطمینان دلایا کہ مصدق ملک کی سربراہی میں کمیٹی سارے معاملے کی تحقیقات کررہی ہے، اگلے 48 گھنٹوں کے دوران ملک میں محدود پیمانے پر لوڈشیڈنگ ہوگی،دیکھ رہے ہیں سسٹم میں کوئی بیرونی مداخلت تو نہیں ہوئی، ہم اس معاملے کی انکوائری کرنیوالی ٹیم کے ساتھ مکمل تعاون کررہے ہیں۔