موسم سرما کی انگڑائیاں جاری

 پہاڑوں کے حسین نظارے، کچھ وادیوں میں تاحال برفباری جاری ہے، رابطہ سڑکیں بند ہونے سے سیاحوں کو مشکلات کا سامنا ہے۔

آزاد کشمیر کے بیشتر مقامات پر برفباری کا سلسلہ ابھی تھما نہیں ہے، وادی نیلم میں 3 روز سے وقفے وقفے سے برفباری جاری ہے۔

یہاں شاہراہ نیلم سے تاؤ بٹ تک سڑک بند پڑی ہے، راولاکوٹ، حویلی سمیت متعدد شہروں کا دیہات سے رابطہ منقطہ ہوچکا ہے، بلوچستان میں اب بھی سردی کا راج ہے۔

زیارت میں بدستور منفی 13 اور قلات کا پارہ منفی8 سینٹی گریڈ تک ریکارڈ کیا گیا، کوئٹہ کا درجہ حرارت منفی 7 تک جا پہنچا ہے۔

کراچی میں یخ پستہ ہواؤں نے شہر کا پارہ گرا دیا، شہر کا کم سے کم درجہ حرارت 8 سینٹی گریڈ ریکارڈ کیا گیا، محکمہ موسمیات کے مطابق پنجاب، سندھ اور خیبر پختونخواہ میں موسم سرد اور خشک رہے گا۔